ന്യൂയോർക്കിനു വേണ്ടി മമ്മൂട്ടിയും വൈശാഖും ഒന്നിക്കുന്നു

മധുരരാജയ്ക്കു ശേഷം മമ്മൂട്ടിയും വൈശാഖും വീണ്ടുമൊന്നിക്കുന്നു. പൂർണമായും അമേരിക്കയിൽ ചിത്രീകരിക്കുന്ന ചിത്രത്തിന്റെ പേര് ന്യൂയോർക്ക് എന്നാണ്. ഉണ്ണിമുകുന്ദനും ​ഗോകുൽ സുരേഷനും കേന്ദ്രകഥാപാത്രങ്ങളെ അവതരിപ്പിച്ച ഇര ഫെയിം നവീൺ ജോണാണ് ന്യൂയോർക്കിന്റെ തിരക്കഥ. ‍‍

യുജിഎം പ്രൊഡക്ഷൻസിന്റെ ബാനറിൽ ഒരുങ്ങുന്ന ചിത്രം ഫാമിലി, ആക്ഷൻ, ത്രില്ലർ ​ഗണത്തിൽപെടുന്നതാണെന്ന് വൈശാഖ് അറിയിച്ചു. പോക്കിരിരാജയുടെ രണ്ടാം ഭാ​ഗമായി വൈശാഖ് അണിയിച്ചൊരുക്കിയ മധുരരാജ വൻവിജയമായിരുന്നു.

അടുത്തിടെ പുറത്തിറങ്ങിയ മമ്മൂട്ടിയുടെ ചിത്രങ്ങളായ പേരൻപ്, യാത്ര, മധുരരാജ, ഉണ്ട, മാമാങ്കം, ഷൈലോക്ക് തുടങ്ങിയവ മികച്ച വിജയം നേടിയിരുന്നു. മമ്മൂട്ടി കേരളമുഖ്യമന്ത്രിയായി എത്തുന്ന വൺ, ബി​ഗ് ബിയുടെ രണ്ടാം ഭാ​ഗമായ ബിലാൽ തുടങ്ങിയ ചിത്രങ്ങളും അണിയറയിൽ ഒരുങ്ങുന്നുണ്ട്.