28 Tuesday
January , 2020
7.33 AM
livenews logo
flash News
എംസി മാത്യു അന്തരിച്ചു യുഎസ് സൈനിക വിമാനം അഫ്​ഗാനിസ്താനിൽ തകർന്നുവീണ് നിരവധി സൈനികർ മരിച്ചതായി താലിബാൻ കളമശ്ശേരി സ്വദേശി സൗദിയിൽ വാഹനാപകടത്തിൽ മരിച്ചു തമിഴ്നാട്ടിൽ ബിജെപി നേതാവിനെ അരിവാളിന് വെട്ടിക്കൊന്നു; പിന്നിൽ മുസ് ലിം ഭീകരരെന്നു ബിജെപി, നിഷേധിച്ച് പോലിസ് പൗരത്വ നിയമം; യുപി പൊലീസ് അതിക്രമങ്ങളിൽ റിപ്പോർട്ട് തേടി ഹൈക്കോടതി 'ഒറ്റുകാരെ വെടിവയ്ക്കൂ'; പ്രകോപന ആഹ്വാനവുമായി കേന്ദ്ര മന്ത്രി അനുരാ​ഗ് ഠാക്കൂർ പൗരത്വ നിയമത്തിനെതിരെ പ്രമേയം പാസാക്കുന്ന നാലാം സംസ്ഥാനമായി പശ്ചിമ ബംഗാൾ മഴക്കെടുതി: റാസൽഖൈമ ഭരണാധികാരി 17.5 കോടി രൂപ നഷ്ടപരിഹാരം പ്രഖ്യാപിച്ചു തൊഴിലന്വേഷകനോട് ഷഹീൻബാ​ഗിൽ പോയിരുന്നാൽ മതി പണം കിട്ടുമെന്ന് പരിഹാസം; വിവാദമായപ്പോൾ മാപ്പു ചോദിച്ച് ഇന്ത്യക്കാരനായകമ്പനിയുടമ എൻപിആർ റദ്ദാക്കിയിട്ടില്ല: അപ്ഡേഷന് അധ്യാപകരെ നിയമിക്കാൻ ന​ഗരസഭാ നോട്ടീസ്

വനിതാപോലിസുകാരി വിവാഹവാ​ഗ്ദാനം നൽകി കൊടുംക്രിമിനലിനെ വലയിലാക്കി

November 30, 2019, 16:08 pm

ഭോപാൽ: കൊലപാതകമുൾപ്പെടെ 16ഓളം കേസുകളിൽ പ്രതിയായ കൊടുംകുറ്റവാളിയെ വനിതാപോലിസുകാരി വിവാഹവാ​ഗ്ദാനം നൽകി പിടികൂടി. ഉത്തർപ്രദേശിലെ മഹോബ ജില്ലയിൽ ബിജൗരി സ്വദേശിയായ ബാൽകിഷൻ ചൗബേ ആണ് വനിതാപോലിസുകാരിയുടെ വിവാഹവാ​ഗ്ദാനത്തിൽ കുടുങ്ങിയത്.

 

മധ്യപ്രദേശിലെ നോവാ​ഗാവ് സ്വദേശിയെ ഈവർഷം ആ​ഗസ്തിൽ കൊലപ്പെടുത്തിയിരുന്നു. ഈ കേസിൽ ബാൽകിഷനെ പിടികൂടാൻ മധ്യപ്രദേശ് പോലിസ് നിരവധി തവണ ശ്രമിച്ചെങ്കിലും പരാജയപ്പെട്ടു. ഇതിനിടെയാണ് പ്രതി വിവാഹത്തിന് ശ്രമിക്കുന്നതായി പോലിസ് അറിയുന്നത്.

 

തുടർന്ന് പ്രതിയെ കെണിയിലാക്കുന്നതിന് പോലിസ് തന്ത്രം ആവിഷ്കരിച്ചു. ബുന്ദൽഖണ്ട് സ്വദേശിയായ സ്ത്രീയുടെ പേരിൽ സിംകാർഡ് സംഘടിപ്പിച്ച് വനിതാ സബ് ഇൻസ്പെക്ടർക്കു നൽകി ഈ നമ്പരിൽ നിന്ന് ബാൽകിഷനെ വിളിച്ചു. എന്നാൽ നമ്പർ മാറി വിളിച്ചതാണെന്നു  പ്രതിയെ ധരിപ്പിക്കുകയും ചെയ്തു.

 

ഈ സമയം യുവതിയോട് വിവരങ്ങൾ തിരക്കിയ പ്രതി പിന്നീട് ഫോൺനമ്പർ വച്ച് ഇവ യാഥാർഥ്യമാണോയെന്ന് പരിശോധിക്കുകയും യുവതിയെ തിരിച്ചുവിളിക്കുകയും ചെയ്തു. നിരന്തരം സംസാരമാരംഭിച്ചതോടെ പോലിസുകാരി വിവാഹവാ​ഗ്ദാനം നൽകി.

 


തുടർന്ന് വ്യാഴാഴ്ച ബിജൗരിയിലെ ക്ഷേത്രത്തിൽ വച്ച് കണ്ടുമുട്ടാമെന്ന് ധാരണയായി. പോലിസുകാരിയും മറ്റ് ഉദ്യോ​ഗസ്ഥരും സിവിൽ ഡ്രസിൽ ക്ഷേത്രത്തിലെത്തുകയും ബാൽകിഷൻ എത്തിയയുടൻ കസ്റ്റഡിയിലെടുക്കുകയുമായിരുന്നു. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.

November 30, 2019, 16:08 pm

Advertisement