9 Sunday
August , 2020
5.47 PM
livenews logo
flash News
പെട്ടിമുടി ദുരന്തം: 16 മൃതദേഹങ്ങൾ കൂടി കണ്ടെടുത്തു; മരണം 42 ആയി അമിത് ഷായ്ക്ക് കോവിഡ് നെ​ഗറ്റീവായെന്ന ബിജെപി എംപിയുടെ പ്രചരണം വ്യാജം; ടെസ്റ്റുകളൊന്നും നടത്തിയിട്ടില്ലെന്ന് ആഭ്യന്തര മന്ത്രാലയം രണ്ട് മാസം പ്രായമായ പെൺകുഞ്ഞുമായി യുവതി കിണറ്റിൽ ചാടി; കുഞ്ഞ് മരിച്ചു കരിപ്പൂര്‍ ദുരന്തം പൈലറ്റിന്റെ ആത്മഹത്യയോ? സംശയത്തിന് കാരണമേറെ വീടുകയറി ബലാത്സംഗം; വീട്ടമ്മയുടെ പരാതിയിൽ പള്ളി വികാരി അറസ്റ്റിൽ 24 മണിക്കൂറിനിടെ രാജ്യത്ത് 64399 കൊറോണ കേസുകൾ; രോ​ഗബാധിതർ 21.5 ലക്ഷം കടന്നു പപ്പടം കഴിച്ചാൽ കോവിഡിനെ തുരത്താമെന്ന് പറഞ്ഞ കേന്ദ്ര ജലവിഭവ മന്ത്രിക്കും കൃഷി മന്ത്രിക്കും കോവിഡ് 101 പ്രതിരോധ ഉപകരണങ്ങളുടെ ഇറക്കുമതി നിരോധിക്കുമെന്ന് കേന്ദ്രമന്ത്രി രാജ്നാഥ് സിങ് യുപിയിൽ ആറു വയസുകാരിയെ തട്ടിക്കൊണ്ടുപോയി പീ‍ഡിപ്പിച്ചു; സ്വകാര്യ ഭാ​ഗങ്ങൾ വികൃതമാക്കി വിജയവാഡയിൽ ക്വാറന്റൈൻ കേന്ദ്രത്തിനു തീപ്പിടിച്ചു ഒമ്പതു മരണം; അരക്കോടി രൂപ നഷ്ടപരിഹാരം പ്രഖ്യാപിച്ച് മുഖ്യമന്ത്രി

അഴിമതി പരാതി: യൂത്ത് കോൺ​ഗ്രസ് നേതാവിനെ ക്രൂരമായി മർദിച്ച് ഡിസിസി നേതാവ്; ദൃശ്യങ്ങൾ പുറത്ത്


തിരുവനന്തപുരം: തിരുവനന്തപുരത്ത് യൂത്ത് കോണ്‍ഗ്രസ് നേതാവിന് ഡിസിസി ഭാരവാഹിയുടെ ക്രൂരമ മര്‍ദനം. യൂത്ത് കോൺഗ്രസ് മാരായമുട്ടം മണ്ഡലം പ്രസിഡന്‍റ് ജയനാണ് ക്രൂര മര്‍ദനമേറ്റത്. ഡിസിസി ജനറൽ സെക്രട്ടറി മാരായമുട്ടം സുരേഷാണ് മര്‍ദിച്ചത്. ബൈക്കിലെത്തിയ സുരേഷും മറ്റൊരാളും കൂടി ജയനെ ക്രിക്കറ്റ് ബാറ്റ് കൊണ്ട് മർദിക്കുന്നതിന്‍റെ സിസിടിവി ദൃശ്യങ്ങൾ പുറത്തു വന്നിട്ടുണ്ട്. 

 

മാരായമൂട്ടം സഹകരണ ബാങ്കിനു മുന്നിൽ കഴിഞ്ഞ മൂന്നാം തീയതിയാണ് സംഭവം നടന്നത്. മാരായി മുട്ടം സർവ്വീസ് സഹകരണ ബാങ്ക് മുൻ പ്രസിഡന്റ് എം എസ് അനിലിന്റെ സഹോദരനാണ് സുരേഷ്. ബാങ്ക് അഴിമതിയുമായി ബന്ധപ്പെട്ട  കാര്യങ്ങള്‍ പുറത്തുകൊണ്ടുവരാന്‍ ശ്രമിച്ചതാണ് ആക്രമണത്തിന് കാരണം. 

 

അഴിമതിയെക്കുറിച്ച് ജയൻ വിജിലൻസിനടക്കം നൽകിയ പരാതിയിൽ അന്വേഷണം നടന്നുവരികയാണ്. പരാതി പിൻവലിക്കണമെന്ന് ആവശ്യപ്പെട്ട് സുരേഷും സുരേഷിന്റെ സുഹൃത്തും സഹോദരൻമാരും പല തവണ ജയനെ സമീപിച്ചിരുന്നു. എന്നാൽ നിലപാടിൽ നിന്ന് പിന്നോട്ടുപോവാൻ ജയൻ തയ്യാറായില്ല. ഇതോടയാണ് ആക്രമിക്കാൻ പദ്ധതിയിട്ടത്.

 

ക്രിക്കറ്റ് ബാറ്റ് കൊണ്ടടക്കം ക്രൂര മർദനത്തിനിരയായ ജയന്‍ മെഡിക്കൽ കോളേജിൽ ഒരാഴ്ച ചികിത്സയിലായിരുന്നു. ആശുപത്രിയിൽ നിന്ന് ഡിസ്ചാർജായ ശേഷമാണ് ജയൻ ദൃശ്യങ്ങൾ പുറത്തുവിടുകയും പരാതി നൽകുകയും ചെയ്തത്.

 

കോൺഗ്രസ് പാറശാല നിയോജക മണ്ഡലം വൈസ് പ്രസിഡന്റ് പുനയൽ സന്തോഷാണ് ഇയാൾക്കൊപ്പം ഉണ്ടായിരുന്നതെന്നാണ് വിവരം. ക്രിക്കറ്റ് ബാറ്റുപയോഗിച്ച് സന്തോഷാണ് തലയ്ക്കടിക്കുന്നത്. 

 

സംഭവത്തിൽ മാരായമുട്ടം സുരേഷിനെതിരെ വധശ്രമം ഉൾപ്പെടെയുള്ള കുറ്റങ്ങൾ ചുമത്തി പൊലീസ് കേസെടുത്തിട്ടുണ്ട്. സുരേഷിനെ മുഖ്യപ്രതിയും മറ്റുള്ളവരെ കൂട്ടുപ്രതികളുമാക്കിയാണ് കേസ്. സുരേഷ് ഒളിവിലാണ്.

February 14, 2020, 11:52 am

Advertisement

Advertisement