28
Aug 2026
Fri
ന്യൂഡല്ഹി: വിദേശത്ത് നിന്ന് മെഡിക്കല് ബിരുദം പൂര്ത്തിയാക്കിയവര്ക്കായുള്ള ലൈസന്സിംഗ് പരീക്ഷയായ എഫ്.എം.ജി.ഇ (FMGE) പ്രക്രിയയില് വന് മാറ്റങ്ങളുമായി നാഷണല് ബോര്ഡ് ഓഫ് എക്സാമിനേഷന്സ് ഇന് മെഡിക്കല് സയന്സസ് (NBEMS). പരീക്ഷ കൂടുതല് സുതാര്യവും ഉദ്യോഗാര്ത്ഥി സൗഹൃദവുമാക്കുന്നതിന്റെ ഭാഗമായി ഈ വര്ഷം ഒക്ടോബറില് അധിക പരീക്ഷ നടത്താന് തീരുമാനിച്ചു.
 |
|
ഓള് ഇന്ത്യ മെഡിക്കല് സ്റ്റുഡന്റ്സ് അസോസിയേഷനുമായി (AIMSA-FMSW) എന്.ബി.ഇ.എം.എസ് അധികൃതര് നടത്തിയ ചര്ച്ചയെ തുടര്ന്നാണ് തീരുമാനം. 2026 ജൂണ് പരീക്ഷയുമായി ബന്ധപ്പെട്ട് വിദ്യാര്ത്ഥികള് ഉന്നയിച്ച ആശങ്കകള് പരിഹരിച്ചതോടെ സമരം പിന്വലിച്ചു.
പ്രധാന മാറ്റങ്ങള് ഒറ്റനോട്ടത്തില്:
വര്ഷത്തില് 3 പരീക്ഷകള്: അടുത്ത വര്ഷം മുതല് ഡിസംബര്/ജനുവരി, ഏപ്രില്/മേയ്, ഓഗസ്റ്റ്/സെപ്റ്റംബര് മാസങ്ങളിലായി വര്ഷത്തില് മൂന്ന് തവണ എഫ്.എം.ജി.ഇ പരീക്ഷ നടത്തും.
പരീക്ഷാ ഫീസ് കുറയ്ക്കും: അടുത്ത പരീക്ഷ മുതല് ഫോറിന് മെഡിക്കല് ഗ്രാജ്വേഷന് പരീക്ഷയുടെ ഫീസ് തുക കുറയ്ക്കും.
ചോദ്യങ്ങളുടെ ഘടന: ചോദ്യപേപ്പറിന്റെ കാഠിന്യം ക്രമീകരിക്കും. 30% എളുപ്പമുള്ള ചോദ്യങ്ങളും, 50% മിതമായവയും, 20% മാത്രം കാഠിന്യമുള്ള ചോദ്യങ്ങളും ഉള്പ്പെടുത്തും.
കൂടുതല് സുതാര്യത: കാന്ഡിഡേറ്റ് പോര്ട്ടല് വഴി ചോദ്യ ഐ.ഡി, ശരിയായ ഉത്തരത്തിന്റെ ഐ.ഡി, വിദ്യാര്ത്ഥി രേഖപ്പെടുത്തിയ ഉത്തരം, ലഭിച്ച മാര്ക്ക് എന്നിവ പരിശോധിക്കാന് സൗകര്യമുണ്ടാകും.
അധിക സമയം: ബയോമെട്രിക് അറ്റന്ഡന്സിന് എടുക്കുന്ന സമയം പരിഗണിച്ച് പരീക്ഷയ്ക്ക് ഒരു ഷിഫ്റ്റില് പരമാവധി 3 മിനിറ്റ് വരെ അധിക സമയം അനുവദിക്കും. കേന്ദ്രങ്ങളിലെ സൗകര്യങ്ങളും വര്ദ്ധിപ്പിക്കും.
കൂടാതെ വിദ്യാര്ത്ഥികളുടെ പരാതികള് പരിഹരിക്കുന്ന ഗ്രീവന്സ് റെഡ്രസല് കമ്മിറ്റിയില് വിദേശ മെഡിക്കല് വിദ്യാര്ത്ഥികളുടെ പ്രതിനിധിയെ ഉള്പ്പെടുത്തുന്ന കാര്യവും ബോര്ഡിന്റെ പരിഗണനയിലുണ്ട്.
TAGS: FMGE exam news Malayalam, NBEMS latest updates, Foreign medical graduates India, MBBS abroad news Malayalam, Education news Malayalam
News Tag Live യുട്യൂബ് ചാനല് Subscribe ചെയ്യുക
Latest News
Trending
More Stories
All Rights Reserved © 2026