വീട്ടുകാരെ പൂട്ടിയിട്ട് പാതിരാത്രിയില്‍ കാറെടുത്ത് കറങ്ങി 14കാരന്‍; വാഹനം കുഴിയിലേക്ക് മറിഞ്ഞ് രണ്ടു പേര്‍ക്ക് പരിക്ക്

തിരുവനന്തപുരം കരമനയില്‍ 14കാരന്‍ ഓടിച്ച കാര്‍ അപകടത്തില്‍ പെട്ടു. സുഹൃത്തിനൊപ്പം രാത്രി കറങ്ങാനിറങ്ങിയപ്പോഴാണ് അപകടം. വീട്ടുകാരെ പൂട്ടിയിട്ടാണ് വിദ്യാര്‍ത്ഥി കാറുമായി ഇറങ്ങിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പുലര്‍ച്ചെ രണ്ടരയോടെയാണ് കരമനയില്‍ വച്ച് അപകടമുണ്ടായത്. 14 കാരനും 17 വയസ്സുള്ള സുഹൃത്തിനും അപകടത്തില്‍ പരിക്കേറ്റു. പരിക്ക് ഗുരുതരമല്ല. സ്ഥിരമായി അപകടമുണ്ടാകുന്ന വളവില്‍ വച്ച് വാഹനം താഴേക്കു പതിക്കുകയായിരുന്നു.

പോലീസ് ചോദിച്ചപ്പോള്‍ ചായ കുടിക്കാന്‍ പോയതാണ് എന്നതാണ് വിദ്യാര്‍ത്ഥി വിശദീകരണം നല്‍കിയത്. വീട്ടുകാര്‍ വാഹനമെടുത്ത് പോകാന്‍ അനുവദിക്കാത്തതിനാലാണ് അവരെ പൂട്ടിയിട്ട് വാഹനമെടുത്തതെന്നും വിദ്യാര്‍ത്ഥി പോലീസിനോട് പറഞ്ഞു.

പ്രായപൂര്‍ത്തിയാകാത്ത മകന്‍ വാഹനമെടുത്ത് അപകടമുണ്ടാക്കിയതിന് പിതാവിന്റെ പേരില്‍ പോലീസ് കേസെടുത്തു.