30
Apr 2025
Tue
നോര്ക്ക റൂട്ട്സിന്റെ പ്രവാസി തിരിച്ചറിയല് കാര്ഡ്, എന്ആര്കെ ഇന്ഷുറന്സ് കാര്ഡ്, സ്റ്റുഡന്റ് ഐഡി കാര്ഡ് എന്നിവയുടെ അപകടമരണ ഇന്ഷുറന്സ് പരിരക്ഷ തുക അഞ്ചു ലക്ഷം രൂപയാക്കി ഉയര്ത്തിയിരിക്കുകയാണ് സംസ്ഥാന സര്ക്കാര്. നിലവില് നാലു ലക്ഷം രൂപയായിരുന്നു അപകട മരണ ഇന്ഷുറന്സ് തുക. ഇതാണ് കൂട്ടിയത്. പ്രവാസി രക്ഷാ ഇന്ഷുറന്സ് പോളിസിയുടെ അപകടമരണ ഇന്ഷുറന്സ് പരിരക്ഷ തുക നിലവിലെ രണ്ടു ലക്ഷം രൂപയെന്നത് മൂന്നു ലക്ഷം രൂപയാക്കിയും വര്ധിപ്പിച്ചട്ടുണ്ട്.
 |
|
പ്രവാസി ഐഡി കാര്ഡ്, എന്ആര്കെ ഇന്ഷുറന്സ് കാര്ഡ്, സ്റ്റുഡന്റ് ഐഡി കാര്ഡ്, പ്രവാസി രക്ഷാ ഇന്ഷുറന്സ് പോളിസി എന്നീ സേവനങ്ങളുടെ നിരക്കുകളും പുതുക്കി.
ഇന്ത്യയിലെ മറ്റു സംസ്ഥാനങ്ങളിലെ മലയാളികള്ക്കും ഇനി മുതല് പ്രവാസി രക്ഷ ഇന്ഷുറന്സ് പദ്ധതിയില് അംഗത്വം ലഭിക്കും. മെഡിക്കല് കോഴ്സുകളിലേക്ക് എന്ആര്ഐ സീറ്റില് പ്രവേശനത്തിന് അപേക്ഷിക്കുന്ന കുട്ടികള്ക്ക് അവരുടെ സ്പോണ്സറുടെ തിരിച്ചറിയല് രേഖയായി നോര്ക്ക പ്രവാസി ഐഡി കാര്ഡ് സമര്പ്പിക്കാനും കഴിയും.
* പ്രവാസി തിരിച്ചറിയല് കാര്ഡ്, സ്റ്റുഡന്റ് ഐഡി കാര്ഡ്, എന്ആര്കെ ഇന്ഷുറന്സ് കാര്ഡ് എന്നിവയുടെ പുതിയ നിരക്ക് ജിഎസ്ടി ഉള്പ്പെടെ 408 രൂപ വീതമാണ്(പഴയ നിരക്ക് 372 രൂപ വീതം).
* പ്രവാസി രക്ഷ ഇന്ഷുറന്സ് പോളിസിയുടെ പുതിയ നിരക്ക് ജിഎസ്ടി ഉള്പ്പെടെ 661 രൂപയാണ്(പഴയ നിരക്ക് 649 രൂപ).
2025 ഏപ്രില് ഒന്നു മുതല് ഐഡി കാര്ഡ്/ എന്പിആര്ഐ പോളിസി എടുക്കുന്ന പ്രവാസിക്ക് അപകടമരണം സംഭവിക്കുന്ന സാഹചര്യത്തില് വിദേശ രാജ്യങ്ങളില് നിന്നും ഭൗതിക ശരീരം നാട്ടിലെത്തിക്കുന്നതിന് 50,000 രൂപയും ഇന്ത്യയ്ക്ക് അകത്തുനിന്നാണെങ്കില് 30,000 രൂപയും ധനസഹായം ലഭിക്കുമെന്നും നോര്ക്ക റൂട്ട്സ് ചീഫ് എക്സിക്യുട്ടീവ് ഓഫീസര് അജിത് കോളശേരി അറിയിച്ചു.
കാര്ഡുകള് അപേക്ഷിക്കുന്നതിനും പുതുക്കുന്നതിനും https://sso.norkaroots.kerala.gov.in/login എന്ന ലിങ്കില് ക്ലിക്ക് ചെയ്യുക.
തുടര്ന്ന് ഇവിടെ രജിസ്റ്റര് ചെയ്യുക.
ഈ സമയത്ത് പാസ്പോര്ട്ട്/ വിസാ വിവരങ്ങള് നല്കണം. ഒടിപി ലഭിക്കുന്നതോടെ അതുവച്ച് തുടര് നടപടികള് സ്വീകരിച്ച് സബ്മിറ്റ് ചെയ്യുക.
കൂടുതല് വിവരങ്ങള്ക്ക്: 9567555821, 04712770543.
Norka Roots increases insurance coverage for expatriate ID cards to Rs 5 lakh
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026