ചൂണ്ടയിടാന്‍ പോയ രണ്ട് കുട്ടികള്‍ മുങ്ങിമരിച്ചു

കോട്ടയം തൃക്കൊടിത്താനത്ത് ചൂണ്ടയിടാന്‍ പോയ രണ്ട് കുട്ടികള്‍ പാറക്കുളത്തില്‍ മുങ്ങിമരിച്ചു. കുറിച്ചി സ്വദേശി അഭിനവ്(12), മാടപ്പള്ളി സ്വദേശി ആദര്‍ശ്(15)എന്നിവരാണ് മരിച്ചത്. ശനി ഉച്ചയ്ക്ക് പന്ത്രണ്ടോടെയാണ് സംഭവം. ചെമ്പുംപുറത്തെ പാറക്കുളത്തില്‍ ചൂണ്ടയിടാന്‍ പോയതായിരുന്നു ഇരുവരും.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഏറെസമയം കഴിഞ്ഞിട്ടും കുട്ടികളെ കാണാതെ വന്നതോടെ തിരക്കിയെത്തിയപ്പോഴാണ് ഇരുവരും കുളത്തില്‍ വീണെന്ന സംശയം തോന്നിയത്. ഫയര്‍ഫോഴ്‌സും നാട്ടുകാരും ചേര്‍ന്ന് നടത്തിയ തിരച്ചിലില്‍ കുട്ടികളുടെ മൃതദേഹങ്ങള്‍ കണ്ടെത്തുകയായിരുന്നു. മൃതദേഹങ്ങള്‍ ചങ്ങനാശ്ശേരിയിലെ ജനറല്‍ ആശുപത്രി മോര്‍ച്ചറിയിലേക്ക് മാറ്റി.