പാകിസ്ഥാനിലെ പള്ളിയിൽ ചാവേർ സ്‌ഫോടനം; 20 മരണം; നൂറിലേറെ പേർക്ക് പരിക്ക്

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പെഷവാർ: പാകിസ്ഥാനിലെ പെഷവാറിൽ പള്ളിയിൽ നടന്ന ചാവേർ ആക്രമണത്തിൽ പതിനേഴുപേർ കൊല്ലപ്പെട്ടു. 90പേർക്ക് ഗുരുതരമായി പരിക്കേറ്റു. പെഷവാറിലെ പൊലീസ് ആസ്ഥാനത്തിനുള്ളിലെ പള്ളിയിലാണ് സ്‌ഫോടനം നടന്നത്. ഉച്ചയ്ക്ക് 1.40ഓടെയാണ് ആക്രമണം നടന്നത്.

പള്ളിയിലെ പ്രാർത്ഥനാസമയത്താണ് സ്‌ഫോടനം നടന്നത്. ഈ സമയത്ത് നിരവധി വിശ്വാസികൾ പള്ളിക്കുള്ളിൽ ഉണ്ടായിരുന്നതായി പൊലീസ് വൃത്തങ്ങൾ വ്യക്തമാക്കി. സ്‌ഫോടനത്തിൽ പള്ളിയുടെ ഒരുഭാഗം പൂർണമായി തകർന്നു.

നിരവധി പേർ ഇപ്പോഴും പള്ളിക്കുള്ളിൽ കുടുങ്ങിക്കിടക്കുകയാണെന്നും രക്ഷാപ്രവർത്തനം ആരംഭിച്ചതായും പൊലീസ് അറിയിച്ചു. അതേസമയം, ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല.