വിവാഹദിവസം പോലീസ് പിടിച്ചുകൊണ്ടുപോയ യുവാവ് കസ്റ്റഡിയിൽ മരിച്ചു

വിവാഹദിവസം പോലീസ് പിടിച്ചുകൊണ്ടുപോയ ​ഗോത്ര യുവാവ് കസ്റ്റഡിയിൽ മരിച്ചു. മധ്യപ്രദേശിലെ ഭോപാലിലാണ് സംഭവം. 25കാരനായ ദേവ പർധിയാണ് മരിച്ചത്. യുവാവിൻ്റെ മരണത്തിനു പിന്നാലെ നാട്ടുകാർ പ്രതിഷേധവുമായി രം​ഗത്തുവന്നു. പോലീസ് മർദ്ദനത്തിലാണ് ദേവ പർധി കൊല്ലപ്പെട്ടതെന്നും യുവാവിൻ്റെ അമ്മാവനും മർദ്ദനമേറ്റെന്നും പ്രതിഷേധക്കാർ ചൂണ്ടിക്കാട്ടി. മർദ്ദനമേറ്റ യുവാവിൻ്റെ അമ്മാവനെ ആശുപത്രിയിൽ പ്രവേശിപ്പിച്ചിരിക്കുകയാണ്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഞായറാഴ്ച വിവാഹവേദിയിലേക്ക് പുറപ്പെടാനൊരുങ്ങുമ്പോഴായിരുന്നു ദേവയെ പോലീസ് മോഷണക്കുറ്റം ആരോപിച്ചു പിടിച്ചുകൊണ്ടുപോയത്. വിവാഹവസ്ത്രത്തിലായിരുന്നു യുവാവിനെ പോലീസ് സ്റ്റേഷനിലേക്കു കൊണ്ടുപോയത്. രാത്രി പോലീസ് ഫോണിൽ വിളിച്ച് യുവാവ് മരിച്ചതായി അറിയിച്ചു. യുവാവിൻ്റെ മരണവിവമരമറിഞ്ഞ് പ്രതിശ്രുത വധു തീകൊളുത്തി മരിക്കാൻ ശ്രമിച്ചു. ​ദേവയുടെ അമ്മായിയും തീകൊളുത്തി. അതേസമയം ​ദേവയ്ക്കെതിരേ വിവിധ സ്റ്റേഷനുകളിലായി ഏഴ് ക്രിമിനൽ കേസുകളുണ്ടെന്ന് പോലീസ് പറയുന്നു.

News Tag Live യുട്യൂബ് ചാനല്‍ Subscribe ചെയ്യുക