മുസ്ലിം ബ്രദര്‍ഹുഡിനെ നിരോധിച്ച് ജോര്‍ദാന്‍; ആസ്ഥാനത്ത് റെയ്ഡ് | Jordan ban Muslim Brotherhood

അമ്മാന്‍: രാജ്യത്തെ ഏറ്റവും വലിയ പ്രതിപക്ഷ പാര്‍ട്ടിയായ മുസ്ലിം ബ്രദര്‍ഹുഡിനെ (ഇഖ്വാനുല്‍ മുസ്ലിമീന്‍) ജോര്‍ദാന്‍ നിരോധിച്ചു. അടച്ചുപൂട്ടല്‍ ഉള്‍പ്പെടെയുള്ള കടുത്ത നിരോധനമാണ് ജോര്‍ദാന്‍ പ്രഖ്യാപിച്ചത്. ഹമാസുമായുള്ള യുദ്ധത്തിന്റെ പേരില്‍ ഇസ്രായേലിനെതിരെ നടന്ന ബഹുജന പ്രതിഷേധങ്ങളുടെ പശ്ചാത്തലത്തില്‍, കഴിഞ്ഞ വര്‍ഷം നടന്ന പാര്‍ലമെന്റ് തിരഞ്ഞെടുപ്പില്‍ ബ്രദര്‍ഹുഡുമായി ബന്ധപ്പെട്ട രാഷ്ട്രീയ പാര്‍ട്ടിയായ ഇസ്ലാമിക് ആക്ഷന്‍ ഫ്രണ്ട് ഏറ്റവും കൂടുതല്‍ സീറ്റുകള്‍ നേടി ജോര്‍ദാനില്‍ ശക്തി തെളിയിച്ചിരുന്നു. ഇത് ആശങ്കയോടെയാണ് ജോര്‍ദാനിലെ അബ്ദുല്ല രാജാവ് കണ്ടത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ജോര്‍ദാന്‍ ഒരു ദശാബ്ദം മുമ്പ് തന്നെ മുസ്ലിം ബ്രദര്‍ഹുഡിനെ നിരോധിച്ചിരുന്നു. പക്ഷേ ഗ്രൂപ്പ് പിളര്‍ന്നതോടെ അതിലെ ഒരുവിഭാഗത്തിന് പ്രവര്‍ത്തനാനുമതി ലഭിച്ചിരുന്നു. ഏറ്റവും പുതിയ നിരോധനം എത്രത്തോളം മുന്നോട്ട് പോകുമെന്ന് വ്യക്തമല്ല.

മുസ്ലീം ബ്രദര്‍ഹുഡിനെ ഇപ്പോള്‍ നിയമവിരുദ്ധ സംഘടനയായി കണക്കാക്കുന്നുവെന്നും ഗ്രൂപ്പുമായി ബന്ധപ്പെട്ട എല്ലാ രാഷ്ട്രീയ പ്രവര്‍ത്തനങ്ങളും നിരോധിക്കുമെന്നും അതിന്റെ ഓഫീസുകള്‍ അടച്ചുപൂട്ടുമെന്നും ആഭ്യന്തര മന്ത്രാലയം അറിയിച്ചു. ഗ്രൂപ്പിന്റെ സ്വത്തുക്കള്‍ കണ്ടുകെട്ടാനുള്ള ശ്രമങ്ങള്‍ ത്വരിതപ്പെടുത്തുമെന്ന് പ്രസ്താവനയില്‍ പറഞ്ഞു. പ്രഖ്യാപനത്തിന് ശേഷം പോലീസ് പാര്‍ട്ടിയുടെ ആസ്ഥാനം വളയുകയും റെയ്ഡ് നടത്തുകയുംചെയ്തു.

ഗ്രൂപ്പിലെ അംഗങ്ങള്‍ രാജ്യത്തെ അസ്ഥിരപ്പെടുത്തുന്ന പ്രവര്‍ത്തനങ്ങളില്‍ ഏര്‍പ്പെടുന്നുണ്ടെന്ന് തെളിയിക്കപ്പെട്ടതായി മന്ത്രാലയം പറഞ്ഞു. ബ്രദര്‍ഹുഡിലെ അംഗങ്ങള്‍ സുരക്ഷയും ദേശീയ ഐക്യവും തകര്‍ക്കുകയും സുരക്ഷയും പൊതു ക്രമവും തകര്‍ക്കുകയും ചെയ്‌തെന്നും മന്ത്രാലയം പറഞ്ഞു.

ഹ്രസ്വ ദൂര മിസൈലുകള്‍ നിര്‍മ്മിക്കല്‍, സ്‌ഫോടകവസ്തുക്കളും ഓട്ടോമാറ്റിക് ആയുധങ്ങളും കൈവശം വയ്ക്കല്‍, ഉപയോഗിക്കാന്‍ തയ്യാറായ മിസൈല്‍ മറച്ചുവെക്കല്‍, നിയമവിരുദ്ധമായി ആളുകളെ റിക്രൂട്ട് ചെയ്യല്‍, പരിശീലനം എന്നിവയുമായി ബന്ധപ്പെട്ട കുറ്റങ്ങള്‍ ചുമത്തി ബ്രദര്‍ഹുഡുമായി ബന്ധപ്പെട്ട 16 പേരെ അറസ്റ്റ് ചെയ്തതായി കഴിഞ്ഞ ആഴ്ച ജോര്‍ദാന്‍ പറഞ്ഞു.

ഇസ്‌റായേല്‍ – ഹമാസ് സംഘര്‍ഷത്തെത്തുടര്‍ന്ന് അസ്ഥിരമായ മിഡില്‍ ഈസ്റ്റിലെ സ്ഥിരതയുടെ ഒരു കോട്ടയായി വളരെക്കാലമായി കാണപ്പെടുന്ന പാശ്ചാത്യ സഖ്യകക്ഷിയാണ് ജോര്‍ദാന്‍. ഇസ്രായേല്‍, അധിനിവേശ വെസ്റ്റ് ബാങ്ക്, സിറിയ, ജോര്‍ദാന്‍, ഇറാഖ്, സൗദി അറേബ്യ എന്നിവയുമായി അതിര്‍ത്തി പങ്കിടുന്ന ജോര്‍ദാന്‍ ഒന്നിലധികം സംഘര്‍ഷങ്ങളില്‍ നിന്ന് ലക്ഷക്കണക്കിന് അഭയാര്‍ത്ഥികള്‍ക്കാണ് ആതിഥേയത്വം വഹിക്കുന്നത്.

ഒരു നൂറ്റാണ്ട് മുമ്പ് ഈജിപ്തില്‍ സ്ഥാപിക്കപ്പെട്ട മുസ്ലിം ബ്രധര്‍ഹുഡ് എന്ന ഇഖ്വാനുല്‍ മുസ്ലിമീന് ലോകമെമ്പാടും ശാഖകളുള്ള സംഘടനയാണ്.

 Jordan announced Wednesday a sweeping ban on the Muslim Brotherhood