ഹൂത്തി ഭീഷണി: ഇന്ത്യയിലേക്കുള്ള സൗദി എണ്ണക്കപ്പലുകള്‍ ചെങ്കടലില്‍ നിന്ന് തിരിച്ചോടി; ഊര്‍ജ്ജ മേഖലയില്‍ ആശങ്ക!

ടെഹ്‌റാന്‍: യമനിലെ ഹൂത്തി വിമതരുടെ ശക്തമായ മുന്നറിയിപ്പിന് പിന്നാലെ ഇന്ത്യയിലേക്കും ചൈനയിലേക്കും എണ്ണയുമായി പുറപ്പെട്ട സൗദി അറേബ്യന്‍ എണ്ണക്കപ്പലുകള്‍ ചെങ്കടലില്‍ വെച്ച് വഴിതിരിച്ചു വിട്ടു. സൂയസ് കനാല്‍ ലക്ഷ്യമാക്കി നീങ്ങുകയായിരുന്ന സിന്‍ ലോംഗ് യാങ് (Xin Long Yang), റോഡോസ് (Rodos), ആമസോണ്‍ (Amazon) എന്നീ മൂന്ന് വന്‍കിട എണ്ണക്കപ്പലുകളാണ് യമന്‍ തീരത്തിന് സമീപത്തുനിന്ന് പെട്ടെന്ന് ദിശ മാറിയത്. അന്താരാഷ്ട്ര വാര്‍ത്താ ഏജന്‍സിയായ റോയിട്ടേഴ്‌സ് ആണ് ഇക്കാര്യം റിപ്പോര്‍ട്ട് ചെയ്തത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഹോര്‍മൂസ് കടലിടുക്ക് അടച്ചതിനെ തുടര്‍ന്ന് ആഗോള ഊര്‍ജ്ജ വിപണിയില്‍ വന്‍ പ്രതിസന്ധി നിലനില്‍ക്കെ, ചെങ്കടല്‍ വഴിയുള്ള പ്രധാന കപ്പല്‍ പാതയിലും തടസ്സങ്ങള്‍ ഉണ്ടാകുന്നത് സ്ഥിതിഗതികള്‍ കൂടുതല്‍ സങ്കീര്‍ണ്ണമാക്കും.

എന്താണ് ഹൂത്തികളുടെ ഉപരോധ മുന്നറിയിപ്പ്?

സൗദി അറേബ്യയ്‌ക്കെതിരെ നാവിക ഉപരോധം പ്രഖ്യാപിച്ചതായി ഇറാന്‍ പിന്തുണയുള്ള ഹൂത്തി വിമതര്‍ ഔദ്യോഗികമായി അറിയിച്ചിരുന്നു. സൗദി തുറമുഖങ്ങളില്‍ നിന്ന് ചരക്കുകള്‍ കയറ്റുകയോ ഇറക്കുകയോ ചെയ്യരുതെന്ന് വിവിധ ഷിപ്പിംഗ് കമ്പനികള്‍ക്ക് ഇ-മെയില്‍ വഴി അയച്ച സന്ദേശത്തില്‍ ഹൂത്തികള്‍ മുന്നറിയിപ്പ് നല്‍കി. ഇത് ലംഘിക്കുന്ന കപ്പലുകളെ എവിടെ വെച്ചും ലക്ഷ്യമിടുമെന്നാണ് അവരുടെ ഭീഷണി.

ALSO READ: ഷാര്‍ജയില്‍ മലയാളി കെട്ടിടത്തില്‍ നിന്ന് വീണു മരിച്ചു

ഹോര്‍മൂസ് കടലിടുക്ക് അടച്ചതോടെ, സൗദി അറേബ്യയുടെ ചെങ്കടല്‍ തുറമുഖമായ യാന്‍ബു (Yanbu) വഴിയായിരുന്നു പ്രതിദിനം ദശലക്ഷക്കണക്കിന് ബാരല്‍ എണ്ണ പുറത്തെത്തിച്ചിരുന്നത്. എന്നാല്‍ ഹൂത്തി ഭീഷണിയെ തുടര്‍ന്ന് ഈ പാതയും അപകടത്തിലായിരിക്കുകയാണ്.

ഇന്ത്യയിലേക്കുള്ള എണ്ണക്കപ്പലുകളുടെ ദിശമാറ്റം

ഇന്ത്യയിലേക്ക് ഏകദേശം 7 ലക്ഷം ബാരല്‍ സൗദി ക്രൂഡ് ഓയിലുമായി വരികയായിരുന്ന ‘റോഡോസ്’ എന്ന ചെറിയ എണ്ണക്കപ്പലും, ചൊവ്വാഴ്ച എണ്ണ കയറ്റിയ ‘ആമസോണ്‍’ എന്ന കപ്പലുമാണ് സൂയസ് കനാലിലേക്ക് ദിശ മാറ്റിയത്. ഇതിന് പുറമെ ചൈനയിലേക്ക് 20 ലക്ഷം ബാരല്‍ എണ്ണയുമായി പോയ ‘സിന്‍ ലോംഗ് യാങ്’ എന്ന കപ്പലും വഴി തിരിച്ചുവിട്ടു. തുടര്‍ന്ന് ഈ കപ്പലുകള്‍ തങ്ങളുടെ ട്രാക്കിംഗ് സംവിധാനങ്ങള്‍ (Transponders) ഓഫാക്കുകയും ചെയ്തു.

ബാബ് എല്‍-മന്ദേബ് കടലിടുക്ക് ഒഴിവാക്കി സൂയസ് കനാല്‍ വഴി ആഫ്രിക്കന്‍ വന്‍കര ചുറ്റി ഏഷ്യന്‍ രാജ്യങ്ങളിലേക്ക് എണ്ണയെത്തിക്കാന്‍ ആഴ്ചകളുടെ അധിക യാത്ര വേണ്ടിവരും. ഇത് ഇന്ത്യ ഉള്‍പ്പെടെയുള്ള രാജ്യങ്ങളിലേക്ക് എണ്ണയെത്തുന്നത് വൈകിപ്പിക്കുകയും വിപണിയില്‍ വിലവര്‍ദ്ധനവിന് കാരണമാവുകയും ചെയ്യും.

India bound Saudi oil tankers U turn Red Sea Houthi threat