കൊടുങ്കാറ്റായി നിക്കോളസ് പൂരന്‍; ആര്‍സിബി വന്‍മതില്‍ വീണു; ലഖ്‌നൗവിന് ത്രില്ലിങ് ജയം

ബെംഗളൂരു: ഐപിഎല്ലില്‍ ഇന്ന് നടന്ന ഇഞ്ചോടിഞ്ച് പോരാട്ടത്തില്‍ ആര്‍സിബിക്കെതിരേ എല്‍എസ്ജിയ്ക്ക് ജയം. അവസാന പന്തിലാണ് റോയല്‍ ചാലഞ്ചേഴ്‌സ് ബാംഗ്ലൂരിനെതിരേ ലഖ്‌നൗ സൂപ്പര്‍ ജെയ്ന്റ്‌സ് ഒരു വിക്കറ്റിന്റെ ജയം നേടിയത്. കൊടുങ്കാറ്റ് ബാറ്റിങ് കാഴ്ച വച്ച നിക്കോളസ് പൂരനാണ് ലഖ്‌നൗവിന് സൂപ്പര്‍ ജയമൊരുക്കിയത്.
213 എന്ന കൂറ്റന്‍ ലക്ഷ്യം മുന്നില്‍ വച്ചിട്ടും ആര്‍സിബി ബൗളര്‍മാര്‍ക്ക് ടീമിനെ രക്ഷിക്കാനായില്ല. ഐപിഎല്ലില്‍ ഏറ്റവും വേഗതയേറിയ രണ്ടാമത്തെ അര്‍ദ്ധസെഞ്ചുറിയുമായി ബാറ്റേന്തിയ പൂരന്‍ 62 റണ്‍സാണ് നേടിയത്. 15 പന്തില്‍ താരം അര്‍ദ്ധസെഞ്ചുറി നേടി. 19 പന്തില്‍ 62 റണ്‍സുമായാണ് പൂരന്‍ കളം വിട്ടത്. ഈ സീസണിലെ വേഗതയേറിയ അര്‍ദ്ധസെഞ്ചുറിയും പൂരന്റെ പേരിലായി. സ്റ്റോണിസ് 30 പന്തില്‍ 65 റണ്‍സ് നേടി. ആയുഷ് ബഡോനി 30 റണ്‍സെടുത്തും ടീമിന് മുതല്‍ക്കൂട്ടായി. ബിഷ്‌ണോയിയും ആവേശ് ഖാനും ചേര്‍ന്ന് അവസാന പന്തില്‍ ടീമിന് ജയമൊരുക്കുകയായിരുന്നു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ആദ്യം ബാറ്റ് ചെയ്ത ആര്‍സിബിയ്ക്കായി കോഹ്ലി (61), ഫഫ് ഡു പ്ലിസ്സിസ്സ് (79), മാക്‌സ് വെല്‍(59) എന്നിവര്‍ അര്‍ദ്ധസെഞ്ചുറി നേടി. മൂവരും വെടിക്കെട്ട് ബാറ്റിങ് തന്നെയായിരുന്നു പുറത്തെടുത്തത്.