30
Aug 2023
Sun
ഇംഫാല്: മണിപ്പൂരില് ബിജെപിക്ക് തിരിച്ചടി. ബീരേന് സിങ് സര്ക്കാരിനുള്ള പിന്തുണ പിന്വലിച്ച് കുകി ഗോത്ര പാര്ട്ടി. രണ്ടു എംഎല്എമാരുള്ള കുകി പീപ്പിള്സ് അലയന്സ് ആണ് പിന്തുണ പിന്വലിച്ചത്. മണിപ്പൂരില് തുടരുന്ന കലാപം നിയന്ത്രിക്കാന് സര്ക്കാര് നടപടി സ്വീകരിക്കാത്ത സാഹചര്യത്തിലാണ് പിന്തുണ പിന്വലിച്ചത്.
 |
|
160ലധികം പേരുടെ മരണത്തിനിടയാക്കിയ അക്രമം നിയന്ത്രിക്കാന് കഴിയാത്തതിന്റെ പേരില് ബിരേന് സിങ്ങിന്റെ നേതൃത്വത്തിലുള്ള സര്ക്കാര് വിമര്ശനം തുടരുന്നതിനിടെയാണ് ഭരണ സഖ്യത്തില് നിന്ന് പുറത്തുപോകാനുള്ള കെപിഎയുടെ തീരുമാനം.
മണിപ്പൂര് നിയമസഭയില് ബിജെപിക്ക് 32 അംഗങ്ങളുടെയും അഞ്ച് എന്പിഎഫ് എംഎല്എമാരുടെയും മൂന്ന് സ്വതന്ത്ര എംഎല്എമാരുടെയും പിന്തുണയുണ്ട്. മറുവശത്ത്, വിവിധ പാര്ട്ടികളുടെ പ്രതിനിധികള് അടങ്ങുന്നതാണ് പ്രതിപക്ഷം. എന്പിപിക്ക് ഏഴ് സീറ്റുകളും കോണ്ഗ്രസിന് അഞ്ച് സീറ്റുകളും ജെഡിയുവിന് ആറ് സീറ്റുകളുമുണ്ട്.
കലാപം അവസാനിപ്പിക്കാനുള്ള ഇടപെടല് നടത്താന് കേന്ദ്ര- സംസ്ഥാന സര്ക്കാരുകള് തയാറാവാത്തതില് പ്രതിഷേധിച്ച് ബിഹാര് വക്താവ് ഉള്പ്പെടെ വിവിധ ബിജെപി നേതാക്കള് പാര്ട്ടിയില് നിന്ന് രാജി വച്ചിരുന്നു. കലാപം തുടങ്ങി മാസങ്ങളായിട്ടും സംസ്ഥാനം കത്തിച്ചാമ്പലായിട്ടും ന്യൂനപക്ഷമായ കുകി വിഭാഗക്കാരെ വംശഹത്യ ചെയ്യുന്നത് തുടര്ന്നിട്ടും പ്രധാനമന്ത്രി മൗനം തുടരുന്നതില് അന്താരാഷ്ട്ര തലത്തില് തന്നെ വലിയ പ്രതിഷേധവും വിമര്ശനവുമാണ് ഉയരുന്നത്.
Latest News
More Stories
All Rights Reserved © 2022