17
Aug 2025
Thu
മുംബൈ: ഇന്ത്യന് ക്രിക്കറ്റ് ഇതിഹാസം സച്ചിന് തെന്ഡുല്ക്കറുടെ മകനും ക്രിക്കറ്റ് താരവുമായ അര്ജുന് തെന്ഡുല്ക്കര് വിവാഹിതനാകുന്നു. പ്രമുഖ വ്യവസായി രവി ഘായിയുടെ ചെറുമകള് സാനിയ ചന്ദോക്കാണ് അര്ജുന്റെ വധു. ഹോട്ടല് മേഖലയിലെ സേവനങ്ങള്ക്ക് ഘായ് കുടുംബം പ്രശസ്തമാണ്. ഇന്റര്കോണ്ടിനെന്റല് ഹോട്ടലിന്റെയും ബ്രൂക്ലിന് ക്രീമറിയുടെയും ഉടമകളാണ് അവര്. വിവാഹനിശ്ചയം മുംബൈയില് നടന്നു. ഇരുപത്തഞ്ചുകാരനായ അര്ജുന് 2021 മുതല് ഐപിഎലില് മുംബൈ ഇന്ത്യന്സ് ടീമംഗമാണ്.
 |
|
മുംബൈയില് വച്ച് നടന്ന സ്വകാര്യ ചടങ്ങില് വിവാഹനിശ്ചയം പൂര്ത്തിയതായി കുടുംബ വൃത്തങ്ങള് ബുധനാഴ്ച എന്ഡിടിവിയോട് സ്ഥിരീകരിച്ചു. അര്ജുനും സാനിയയും സ്വകാര്യമായി വിവാഹനിശ്ചയം നടത്തിയെന്നും അതിനാല് ഇരുഭാഗത്തുനിന്നുമുള്ള അടുത്ത സുഹൃത്തുക്കളും കുടുംബങ്ങളും മാത്രമാണ് ചടങ്ങില് പങ്കെടുത്തതെന്നും റിപ്പോര്ട്ടില് പറയുന്നു.
എന്നാല്, അര്ജുന് ടെണ്ടുല്ക്കറിന്റെയും സാനിയ ചന്ദോക്കിന്റെയും കുടുംബങ്ങള് ഇതുവരെ ഔദ്യോഗിക പ്രസ്താവന പുറപ്പെടുവിച്ചിട്ടില്ല.
യുവ ക്രിക്കറ്റ് താരം തന്റെ വ്യക്തിപരമായ ജീവിതത്തിലെ ഏറ്റവും പ്രധാന ചുവടുവെക്കുന്നുവെന്ന വാര്ത്ത പുറത്തുവന്നതിനെത്തുടര്ന്ന് സോഷ്യല് മീഡിയയില് ഇതിന്റെ ചിത്രങ്ങള് വൈറലാകുകയുംചെയ്തു.
Arjun Tendulkar, son of God of Cricket Sachin Tendulkar , has got engaged to #SaaniyaChandok, the granddaughter of prominent Mumbai businessman Ravi Ghai.#SachinTendulkar𓃵 #Arjuntendulkar pic.twitter.com/lEIOR6jIGT
— 𝐈𝐂𝐓 ᴬᵁᴿᴬ🇮🇳 (@AURAICTT) August 13, 2025
ഒരു ഇടംകൈയ്യന് പേസറായ അര്ജുന് ബാറ്റിംഗിലും മികച്ച സംഭാവനകള് നല്കാന് കഴിയും. ആഭ്യന്തര ക്രിക്കറ്റില് ഗോവയ്ക്ക് വേണ്ടി ബൗളര് പന്തെറിയുന്നത്. 17 ഫസ്റ്റ് ക്ലാസ് മത്സരങ്ങളില് നിന്ന് 37 വിക്കറ്റുകളും 532 റണ്സും അദ്ദേഹം നേടിയിട്ടുണ്ട്.
24 ടി20 മത്സരങ്ങള് കളിച്ച അര്ജുന് 27 വിക്കറ്റുകളും 119 റണ്സും നേടിയിട്ടുണ്ട്. 18 ഏകദിനങ്ങളില് (ലിസ്റ്റ് എ) കളിച്ച അദ്ദേഹം 25 വിക്കറ്റുകളും 102 റണ്സും നേടിയിട്ടുണ്ട്.
ഇന്ത്യന് പ്രീമിയര് ലീഗില് മുംബൈ ഇന്ത്യന്സിനുവേണ്ടിയും താരം കളിച്ചിട്ടുണ്ട്. 2023ല് ഐപിഎല്ലില് അരങ്ങേറ്റം കുറിച്ച അദ്ദേഹം ആ സീസണില് നാല് മത്സരങ്ങള് കളിച്ചു. ഇതില് മൂന്ന് വിക്കറ്റുകള് അദ്ദേഹം നേടി.
Cricket legend Sachin Tendulkar’s son Arjun Tendulkar got engaged to Saaniya Chandok in a private ceremony, sources confirmed to NDTV on Wednesday. Social media went on over-drive after the news of the young cricketer taking a major step in his personal life surfaced. However, no official statement has been released by Arjun Tendulkar and Saaniya Chandok’s families yet.
Latest News
More Stories
All Rights Reserved © 2022