ആദ്യരാത്രി വരന്റെ ലൈംഗികാതിക്രമത്തിനിരയായി വധു മരിച്ചു

ആദ്യരാത്രിയില്‍ വരന്റെ ലൈംഗികാതിക്രമത്തിനിരയായി നവവധു മരിച്ചു. സംഭവത്തിനു പിന്നാലെ വരനും വീട്ടുകാരും നാടുവിട്ടു. ഉത്തര്‍പ്രദേശിലെ ഹാമിര്‍പുറിലാണ് സംഭവം.(bride dies after husbands pills fueled sex on first night)

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ലൈംഗികോദ്ധീപനം നല്‍കുന്ന നിരവധി ഗുളികകള്‍ കഴിച്ച യുവാവ് വധുവിനു നേരെ ലൈംഗികാതിക്രമം നടത്തുകയായിരുന്നു. ക്രൂരമായ പീഡനത്തിനിരയായ യുവതിയെ ആശുപത്രിയിലേക്ക് മാറ്റിയെങ്കിലും വൈകാതെ മരിച്ചു.

കൂട്ടബലാല്‍സംഗത്തിനിരയാവുന്ന രീതിയിലുള്ള പരിക്കുകളായിരുന്നു യുവതിയുടെ ശരീരത്തിലുണ്ടായിരുന്നതെന്ന് ഡോക്ടര്‍മാര്‍ പറയുന്നു. ഫെബ്രുവരി മൂന്നിനായിരുന്നു യുവതിയുടെ വിവാഹം.

ഫെബ്രുവരി ഏഴിനാണ് ഗുരുതരാവസ്ഥയിലായ യുവതിയെ കാണ്‍പൂര്‍ ജില്ലാ ആശുപത്രിയില്‍ എത്തിച്ചത്. ചികില്‍സയിലിരിക്കെ ഫെബ്രുവരി പത്തിന് യുവതി മരിക്കുകയും ചെയ്തു.

യുവതിയുടെ മാതാപിതാക്കള്‍ നേരത്തേ മരിച്ചുപോയതാണ്. സര്‍ക്കാര്‍ ജീവനക്കാരനായ സഹോദരനാണ് യുവതിയുടെ വിവാഹം നടത്തിക്കൊടുത്തത്. യുവതിയുടെ മരണത്തിനു പിന്നാലെ വരനും വീട്ടുകാരും വീടുപൂട്ടി നാടുവിട്ടുപോവുകയായിരുന്നു.

News Tag Live യുട്യൂബ് ചാനല്‍ Subscribe ചെയ്യുക