വിവാഹവേദിയിൽ വച്ച് വധു ഉൾപ്പെടെ നാലുപേരെ വരൻ വെടിവച്ചുകൊന്നു

വിവാഹവേദിയിൽ വച്ച് വധുവടക്കം നാലുപേരെ വെടിവച്ചുകൊന്ന ശേഷം വരൻ ജീവനൊടുക്കി. വ​ട​ക്കു കി​ഴ​ക്ക​ൻ താ​യ്ല​ൻ​ഡി​ൽ ശ​നി​യാ​ഴ്ച​യാ​ണ് സം​ഭ​വം. പാ​ര അ​ത്ല​റ്റും മു​ൻ സൈ​നി​ക​നു​മാ​യ ച​തു​രോം​ഗ് സു​ക്സ​ക്(29) ആ​ണ് വ​ധു​വി​നെ​യും വീട്ടുകാരെയുമടക്കം നാലുപേരെ കൊ​ല​പ്പെ​ടു​ത്തി ജീ​വ​നൊ​ടു​ക്കി​യ​ത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

വ​ധു കാ​ൻ​ജ​ന, വ​ധു​വി​ൻറെ അ​മ്മ, സ​ഹോ​ദ​രി എന്നിവരെയും വി​വാ​ഹ​ത്തി​ൽ പ​ങ്കെ​ടു​ക്കാ​നെ​ത്തി​യ ഒ​രാളുമാണ് കൊല്ലപ്പെട്ടത്. ​വി​വാ​ഹ ച​ട​ങ്ങു​ക​ൾ​ക്കി​ടെ വേ​ദി​യി​ൽ നി​ന്ന് ഇ​റ​ങ്ങിപ്പോയ ചതുരോം​ഗ് തോ​ക്കു​മാ​യി തി​രിച്ചെത്തി ആക്രമണം അഴിച്ചുവിടുകയായിരുന്നു.

അക്രമ സ​മ​യം പ്ര​തി മ​ദ്യ ല​ഹ​രി​യി​ലാ​യി​രു​ന്നു എ​ന്നാ​ണ് പൊ​ലീ​സ് പ​റ​യു​ന്ന​ത്. ച​തു​രോം​ഗും യു​വ​തി​യും മൂ​ന്ന് വ​ർ​ഷ​മാ​യി ഒ​രു​മി​ച്ച് താ​മ​സി​ച്ച് വ​രി​ക​യാ​യി​രു​ന്നു. 2022ൽ ​ഇ​ന്തോ​നേ​ഷ്യ​യി​ൽ ന​ട​ന്ന ആ​സി​യാ​ൻ പാ​രാ​ഗെ​യിം​സി​ൽ ച​തു​രോം​ഗ് നീ​ന്ത​ലി​ൽ വെ​ള്ളി മെ​ഡ​ൽ നേ​ടി​യി​രു​ന്നു.