മില്‍മയുടെ വ്യാജന്‍ മില്‍നയ്ക്ക് ഒരു കോടിയിലേറെ രൂപ പിഴയിട്ട് കോടതി

മില്‍മയുടെ പാല്‍ പായ്ക്കറ്റിന്റെ ഡിസൈനിലും ഒറ്റനോട്ടത്തില്‍ മില്‍മയെന്നു വായിക്കുന്ന പേരും നല്‍കി പാക്കറ്റുകളില്‍ ഉല്‍പ്പന്നം വിപണിയില്‍ എത്തിച്ച സ്വകാര്യ ഡയറി സ്ഥാപനത്തിന് ഒരുകോടിയിലേറെ രൂപ പിഴയിട്ട് കോടതി. മില്‍ന എന്ന സ്ഥാപനത്തിനാണ് പിഴ ചുമത്തിയത്. തിരുവനന്തപുരം പ്രിന്‍സിപ്പല്‍ കൊമേഴ്‌സ്യല്‍ കോടതിയുടേതാണ് നടപടി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മില്‍മയുടെ ഡിസൈന്‍ ദുരുപയോഗം ചെയ്യുകയും വ്യാപാര നിയമങ്ങള്‍ ലംഘിക്കുകയും ചെയ്തതിനാണ് പിഴ. ഒരു കോടി രൂപ പിഴയും ആറ് ശതമാനം പിഴപ്പലിശയും 8,18,410 രൂപ കോടതി ഫീസും ഉള്‍പ്പെടെ അടയ്ക്കാന്‍ കമ്പനിക്ക് കോടതി നിര്‍ദേശം നല്‍കി. മില്‍മ സമര്‍പ്പിച്ച പരാതിയിലാണ് കോടതി ഇടപെടല്‍. സമാനമായ ഡിസൈനോ പാക്കിങ്ങോ ഉപയോഗിച്ച് പാലും പാല്‍ ഉല്‍പന്നങ്ങളും വില്‍ക്കുന്നതില്‍ നിന്നും പരസ്യപ്പെടുത്തുന്നതില്‍ നിന്നും നിയമലംഘനം നടത്തിയ സ്ഥാപനത്തെ കോടതി വിലക്കുകയും ചെയ്തു.

ALSO READ: പ്രമുഖ ബ്രാന്‍ഡുകളുടെ കാന്‍സര്‍ കീമോതെറാപ്പി മരുന്ന് വ്യാജമായി നിര്‍മിച്ചുവിറ്റിരുന്ന സംഘം പിടിയില്‍

News Tag Live യുട്യൂബ് ചാനല്‍ Subscribe ചെയ്യുക