അനുഗ്രഹം തേടിവന്ന കുട്ടിയുടെ ചുണ്ടിൽ ഉമ്മ വച്ച് നാവ് നക്കാൻ പറഞ്ഞ് ദലൈലാമ; ബാലപീഡനത്തിന് കേസെടുക്കണമെന്ന് ആവശ്യം

ന്യൂഡൽഹി: പ്രായപൂർത്തിയാവാത്ത ആൺകുട്ടിയുടെ ചുണ്ടിൽ ഉമ്മ വച്ച ടിബറ്റൻ ആത്മീയ നേതാവ് ദലൈലാമ വിവാദത്തിൽ. ഉമ്മ വച്ചതിനു ശേഷം തന്റെ നാവ് നക്കാൻ കുട്ടിയോട് ദലൈലാമ ആവശ്യപ്പെടുകയും ചെയ്തതാണ് വിവാദത്തിന് ഇടയാക്കിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

അനുഗ്രഹം തേടി കുട്ടി എത്തിയപ്പോഴാണ് അദ്ദേഹം ചുണ്ടിൽ ചുംബിച്ചത്. തുടർന്ന് നാക്ക് ​പുറത്തേക്കിട്ടു കാണിച്ച ദലൈലാമ കുട്ടിയോട് അതിൽ നക്കാൻ ആവശ്യപ്പെടുകയായിരുന്നു. ഇന്ത്യക്കാരനായ കുട്ടിയോടായിരുന്നു ദലൈലാമയുടെ ഈ പെരുമാറ്റം.

സംഭവത്തിന്റെ വീഡിയോ പുറത്തുവന്നതോടെ വ്യാപക വിമർശനമാണ് ലാമയ്ക്കെതിരെ ഉയരുന്നത്. നിരവധി പേരാണ് ടിബറ്റൻ ആത്മീയ നേതാവിനെതിരെ രംഗത്തുവന്നത്. എന്തിനാണ് കുട്ടിയോട് ഇങ്ങനെ ആവശ്യപ്പെട്ടത് എന്നാണ് ആളുകൾ ചോദിക്കുന്നത്. തീർത്തും അനുചിതവും ആർക്കും നീതീകരിക്കാനാവാത്തതുമായ ​പ്രവൃത്തിയാണ് ലാമയിൽ നിന്നുണ്ടായതെന്നും പലരും ചൂണ്ടിക്കാട്ടി.

കുട്ടികളെ പീഡിപ്പിച്ചതിന് ലാമയെ അറസ്റ്റ് ചെയ്യണം എന്നും ആവശ്യമുയർന്നു. ‘ഞങ്ങളെന്താണ് കാണുന്നത്. ഇത് ദലൈലാമ തന്നെയാണോ? കുട്ടികളെ പീഡിപ്പിച്ചതിന് അറസ്റ്റ് ചെയ്യണം’- എന്നാണ് ഒരാളുടെ ട്വീറ്റ്.

2019ൽ തന്റെ പിൻഗാമി ഒരു സ്ത്രീയായിരുന്നെങ്കിൽ അവർ കൂടുതൽ ആകർഷണമുള്ളയാളാവണമെന്ന ദലൈലാമയുടെ പരാമർശവും വിവാദമായിരുന്നു. ഇതോടെ, ദലൈലാമ മാപ്പു പറഞ്ഞിരുന്നു.

News Tag Live യുട്യൂബ് ചാനല്‍ Subscribe ചെയ്യുക