ഫലസ്തീൻ ജനതയ്ക്ക് ഐക്യദാർഢ്യം: ഫിലിം ഫെസ്റ്റിവൽ റദ്ധാക്കി ഖത്തർ

ദോഹ: ഫലസ്തീൻ ജനതയ്ക്ക് ഐക്യദാർഢ്യം പ്രഖ്യാപിച്ച് അടുത്ത മാസം നടക്കേണ്ടിയിരുന്ന അജ്യാൽ ഫിലിം ഫെസ്റ്റിവൽ ഖത്തർ റദ്ധാക്കി. ഇസ്രായേലി ആക്രമണത്തിന് വിധേയരായ ഫലസ്തീൻ ജനതയോടുള്ള ഐക്യദാർഢ്യം പ്രകടിപ്പിക്കുകയാണ് ഇതിലൂടെ ലക്ഷ്യമിടുന്നത്.
ദോഹ ഫിലിം ഇൻസ്റ്റിറ്റ്യൂട്ടായിരുന്നു ഫെസ്റ്റിവലിന്റെ സംഘാടകര്‍. നവംബർ 8 മുതൽ നവംബർ 16 വരെയാണ് ഫിലിം ഫെസ്റ്റിവല്‍ നിശ്ചയിച്ചിരുന്നത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഓരോ ദിവസവും നിരപരാധികളായ മനുഷ്യർ കൊല്ലപ്പെടുന്നത് കാണുമ്പോൾ തകര്‍ന്നുപോവുകയാണ്. ഇത് ആഘോഷത്തിനുള്ള സമയമല്ലെന്നും ബോധപൂർവം പ്രവർത്തിക്കേണ്ട സമയമാണെന്നും ദോഹ ഫിലിം ഇന്‍സ്റ്റിറ്റ്യൂട്ട് പുറത്തിറക്കിയ പ്രസ്താവനയില്‍ പറഞ്ഞു.