ഇസ്രായേൽ മന്ത്രിയുടെ മകൻ ​ഗസയിൽ കൊല്ലപ്പെട്ടു

​ഗസയിൽ കരയുദ്ധത്തിൽ പങ്കെടുക്കുന്ന ഇസ്രായേൽ മന്ത്രിയുടെ മകൻ ഹമാസ് പോരാളികളുടെ ആക്രമണത്തിൽ കൊല്ലപ്പെട്ടു. അഞ്ചം​ഗ ഇസ്രായേലി യുദ്ധകാബിനറ്റിലെ അം​ഗമായ ​ഗാദി ഐസൻകോട്ടിന്റെ മകൻ മാസ്റ്റർ സർജന്റ് ​ഗാൽ മീർ ഐസൻകോട്ട(25)ടക്കം രണ്ടു സൈനികരാണ് കൊല്ലപ്പെട്ടത്. ഇതുവരെ 90 ഇസ്രായേലി സൈനികരാണ് യുദ്ധത്തിൽ കൊല്ലപ്പെട്ടതെന്നാണ് ഇസ്രായേൽ പറയുന്നത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഇസ്രായേൽ പ്രതിരോധ സേനയുടെ മുൻ ചീഫ് ഓഫ് സ്റ്റാഫ് കൂടിയാണ് ​ഗാദി ഐസൻ‌കോട്ട്. വടക്കൻ​ഗസയിലെ ജബലിയ ക്യാംപിൽ തുരങ്കത്തിനു സമീപം നടന്ന ബോംബ് സ്ഫോടനത്തിലാണ് ​ഗാലൻ ഐസൻകോട്ട് കൊല്ലപ്പെട്ടതെന്ന് ​ഗാദിക്ക് അറിയിപ്പ് ലഭിച്ചു. ഇസ്രായേൽ പ്രതിരോധ സേനയുടെ തെക്കൻ കമാൻഡ് സന്ദർശിക്കുന്നതിനിടെയാണ് മന്ത്രിക്ക് മകന്റെ മരണവാർത്ത ലഭിക്കുന്നത്.

News Tag Live യുട്യൂബ് ചാനല്‍ Subscribe ചെയ്യുക