02
Aug 2024
Fri
വനിതകള് ഗൃഹനാഥരായുള്ള കുടുംബങ്ങളിലെ കുട്ടികള്ക്ക് വിദ്യാഭ്യാസ ധനസഹായം നല്കുന്ന വിദ്യാധനം പദ്ധതിയിലേക്ക് അപേക്ഷ ക്ഷണിച്ചു. 2024, 25 അധ്യയനവര്ഷത്തിലെ പദ്ധതിയിലേക്കാണ് അപേക്ഷിക്കേണ്ടത്.
 |
|
ബിപിഎല് വിഭാഗത്തില്പ്പെട്ട വിവാഹമോചിതരായ വനിതകള്, ഭര്ത്താവ് ഉപേക്ഷിച്ചുപോയ വനിതകള്, ഭര്ത്താവിനെ കാണാതായി ഒരു വര്ഷം കഴിഞ്ഞ വനിതകള്, ഭര്ത്താവിന് നട്ടെല്ലിന് ക്ഷതമേറ്റ് / പക്ഷാഘാതം കാരണം ജോലി ചെയ്യുവാനും കുടുംബം പുലര്ത്താനും കഴിയാത്തവിധം കിടപ്പിലായ കുടുംബങ്ങളിലെ വനിതകള്, നിയമപരമായ വിവാഹത്തിലൂടെയല്ലാതെ അമ്മമാരായ വനിതകള് എന്നിവരെയാണ് പദ്ധതിയില് എ കാറ്റഗറിയില് ഉള്പ്പെടുത്തിയത്.
സംസ്ഥാന സര്ക്കാര്/എയ്ഡഡ് വിദ്യാലയങ്ങളില് പഠിക്കുന്ന വിദ്യാര്ഥികള്ക്കാണ് ധനസഹായം ലഭിക്കുക. ഒരുകുടുംബത്തിലെ പരമാവധി രണ്ടുകുട്ടികള്ക്ക് അര്ഹതയുണ്ട്
പൊതുജന പദ്ധതി അപേക്ഷാ പോര്ട്ടല് എന്ന വെബ്പേജ് മുഖേന, അതിലെ നിര്ദ്ദേശങ്ങള് ശ്രദ്ധയോടെ പാലിച്ച് ക്ഷേമപദ്ധതിക്ക് അപേക്ഷിക്കാം.
വെബ്സൈറ്റ്: www.schemes.wcd.kerala.gov.in.
എ.ആര്.ടി തെറാപ്പി ചികിത്സക്ക് വിധേയരാകുന്ന എച്ച്.ഐ.വി ബാധിതരായ വ്യക്തികളുടെ കുട്ടികളെ പദ്ധതിയില് ബി കാറ്റഗറിയില് ഉള്പ്പെടുത്തിയിട്ടുണ്ട്. കേരള സ്റ്റേറ്റ് എയിഡ്സ് കണ്ട്രോള് സൊസൈറ്റി മുഖേനയാണ് ബി കാറ്റഗറിയില് അപേക്ഷകള് സ്വീകരിക്കുന്നത്.
കൂടുതല് വിവരങ്ങള്ക്ക് അതത് പ്രദേശത്തെ ശിശുവികസന ഓഫീസുമായോ, തൊട്ടടുത്തുള്ള അങ്കണവാടി വര്ക്കറെയോ സമീപിക്കാവുന്നതാണ്. അവസാന തീയതി ഡിസംബര് 15.
0471 2969101.
വിദ്യാഭ്യാസ, തൊഴില് വാർത്തകൾ വാട്ട്സ്ആപ്പിൽ ലഭിക്കാൻ
vidyadhan scholarship 2024 apply online
Latest News
More Stories
All Rights Reserved © 2022