യുഎസിലെ ഏറ്റവും വലിയ ക്ഷേത്രത്തിന്റെ ഉദ്ഘാടനം അടുത്തമാസം

യുഎസിലെ എറ്റവും വലിയ ക്ഷേത്രം അടുത്ത മാസം വിശ്വാസികൾക്കായി തുറക്കും. ന്യൂജഴ്സിയിലെ റോബിൻസ്വില്ലെ ടൗൺഷിപ്പിൽ നിർമിച്ചിരിക്കുന്ന ബാപ്സ് സ്വാമിനാരായൺ അക്ഷർധാം ഒക്ടോബർ എട്ടിനാണ് ഔദ്യോ​ഗികമായി ഉദ്ഘാടനം ചെയ്യുക. ഒക്ടോബർ 18ന് സന്ദർശകർക്കായി തുറന്നുനൽകും.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

183 ഏക്കർ ഭൂമിയിൽ നിർമിച്ചിരിക്കുന്ന ക്ഷേത്രം 12 വർഷം കൊണ്ടാണ് പൂർത്തീകരിച്ചത്. ക്ഷേത്രനിർമാണത്തിനാവശ്യമായ ശിലകളും മാർബിളുകളും ​ഗ്രൈനൈറ്റുകളുമൊക്കെ ഇന്ത്യ, ചൈന, തുർക്കി, ​ഗ്രീസ്, ഇറ്റലി തുടങ്ങി വിവിധ രാജ്യങ്ങളിൽ നിന്നാണ് എത്തിച്ചത്.
ഇന്ത്യൻ സംസ്കാരത്തിനുസൃതമായാണ് ക്ഷേത്രനിർമാണം. പതിനായിരത്തിലധികം പ്രതിമകളും ഇന്ത്യൻ സം​ഗീത ഉപകരണങ്ങളുടെയും നൃത്യരൂപങ്ങളുടെയും കൊത്തുപണികളും ക്ഷേത്രത്തിലുണ്ടാവും.