കൂട്ടിലേക്ക് വീണ 72കാരനെ 40 മുതലകൾ ചേർന്ന് കടിച്ചുകൊന്നു

മുതലയെ തുരത്തുന്നതിനിടെ കൂട്ടിലേക്ക് വീണ 72കാരനെ 40 മുതലകൾ ചേർന്ന് കടിച്ചുകൊന്നു. കംബോഡിയയിലാണ് സംഭവം. കൂട്ടിനുള്ളിൽ മുട്ടയിട്ട മുതലയെ വടി ഉപയോ​ഗിച്ചു തുരത്തുന്നതിനിടെ ഈ മുതല വടിയിൽ കടിച്ചുവലിച്ചതോടെ വൃദ്ധൻ മറ്റ് മുതലകളെ പാർപ്പിച്ചിരുന്ന കൂട്ടിലേക്ക് മറിഞ്ഞുവീഴുകയായിരുന്നു. ഉടൻതന്നെ മുതലക്കൂട്ടം ഇദ്ദേഹത്തെ കടിച്ചുകീറി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

വൃദ്ധന്റെ ശരീരത്തിൽ നിന്ന് മുതലകൾ മാംസം കടിച്ചുകീറി. മൃതദേഹത്തിലാകെ മുതലകൾ കടിച്ചുകീറിയ പാടുകളാണെന്ന് അധികൃതർ അറിയിച്ചു. വൃദ്ധന്റെ കുടുംബത്തിന്റെ ഉടമസ്ഥതയിലുള്ളതാണ് മുതലവളർത്തൽ കേന്ദ്രം. ഇറച്ചി, തൊലി, മുട്ട എന്നിവയെടുക്കാനാണ് മുതലകളെ വളർത്തുന്നത്. ഇത്തരത്തിൽ നിരവധി ഫാമുകളാണ് മേഖലയിലുള്ളത്.