10
Sep 2023
Wed
മുംബൈ: മലയാള ചിത്രം 2018 ഇന്ത്യയുടെ ഔദ്യോഗിക ഓസ്കര് എന്ട്രി. വിദേശ ഭാഷ വിഭാഗത്തിലാണ് ചിത്രം മത്സരിക്കുക. അടുത്തവര്ഷം മാര്ച്ച് പത്തിനാണ് ഓസ്കര് പ്രഖ്യാപനം. മോഹന്ലാല് ചിത്രമായ ഗുരു, ലിജോ ജോസ് പെല്ലിശ്ശേരിയുടെ ജല്ലിക്കെട്ട് എന്നിവയാണ് ഇതിനു മുന്പ് ഓസ്കര് എന്ട്രി ലഭിച്ച മറ്റു മലയാള ചിത്രങ്ങള്.
 |
|
കേരളത്തില് 2018ല് ഉണ്ടായ പ്രളയകാലം പകര്ത്തിയ ചിത്രം ജൂഡ് ആന്തണി ജോസഫാണ് സംവിധാനം ചെയ്തത്. കേരളീയര്ക്ക് ഒരിക്കലും മറക്കാനാവാത്ത ‘2018’ എന്ന വര്ഷവും ആ വര്ഷത്തില് നമ്മളെ തേടിയെത്തിയ പ്രളയമെന്ന മഹാമാരിയും പ്രേക്ഷകര്ക്ക് മുന്നില് ഒരു നേര്ക്കാഴ്ചയെന്നോണം അവതരിപ്പിക്കുന്ന ഈ ചിത്രത്തില് മലയാളികളുടെ മനോധൈര്യത്തിന്റയും ആത്മവിശ്വാസത്തിന്റയും ഒത്തൊരുമയുടെയും കഥയാണ് ദൃശ്യാവിഷ്കരിച്ചിരിക്കുന്നത്. ഈ വര്ഷം മലയാളത്തില് ഏറ്റവും കൂടുതല് കലക്ഷന് നേടിയ ചിത്രം കൂടിയാണ് 2018.
ടൊവിനോ തോമസ്, കുഞ്ചാക്കോ ബോബന്, ആസിഫ് അലി, വിനീത് ശ്രീനിവാസന്, ഇന്ദ്രന്സ്, ലാല്, നരേന്, അപര്ണ്ണ ബാലമുരളി, തന്വി റാം, സുധീഷ്, സിദ്ദിഖ്, രഞ്ജി പണിക്കര്, ജാഫര് ഇടുക്കി, അജു വര്ഗ്ഗീസ്, ജിബിന് ഗോപിനാഥ്, ഡോക്ടര് റോണി, ശിവദ, വിനിതാ കോശി തുടങ്ങി മലയാളത്തിലെ മുന്നിരതാരങ്ങളെ അണിനിരത്തി ഒരുക്കിയ 2018 മെയ് 5 നാണ് തിയറ്റര് റിലീസ് ചെയ്തത്.
‘കാവ്യാ ഫിലിംസ്’, ‘പി കെ പ്രൈം പ്രൊഡക്ഷന്സ്’ എന്നിവയുടെ ബാനറില് വേണു കുന്നപ്പള്ളി, സി കെ പത്മകുമാര്, ആന്റോ ജോസഫ് എന്നിവര് ചേര്ന്നാണ് ചിത്രം നിര്മ്മിച്ചിരിക്കുന്നത്. അഖില് പി ധര്മജന്റേതാണ് സഹതിരക്കഥ. അഖില് ജോര്ജ്ജാണ് ഛായാഗ്രാഹകന്. ചമന് ചാക്കോ ചിത്രസംയോജനം നിര്വ്വഹിക്കുന്ന ചിത്രത്തിന്റെ സംഗീതം നോബിന് പോളും സൗണ്ട് ഡിസൈന് വിഷ്ണു ഗോവിന്ദുമാണ് കൈകാര്യം ചെയ്തിരിക്കുന്നത്.
BREAKING: Tovino Thomas’ 2018 movie is India’s official entry for #Oscars2024. #2018Movie – Proud moment for Malayalam film industry and #TovinoThomas… pic.twitter.com/7lpp4CDzUl
— Manobala Vijayabalan (@ManobalaV) September 27, 2023
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026