65 വയസ്സിനു മുകളിൽ പ്രായമായവരിൽ മസ്തിഷ്കാഘാതത്തിനു കോവിഡ് വാക്സിൻ കാരണമാകുന്നുവെന്ന് യുഎസ്

ഫൈസർ, ബയോൻടെക് കോവിഡ് വാക്സിൻ എടുത്ത പ്രായമായവരിൽ ഒരുതരം മസ്തിഷ്കാഘാതമുണ്ടാവുന്നുവെന്ന് പ്രാഥമികാന്വേഷണത്തിൽ തെളിഞ്ഞതായി യുഎസ് ആരോ​ഗ്യ വകുപ്പ്. യുഎസിന്റെ രോ​ഗനിയന്ത്രണ, തടയൽ കേന്ദ്രം അധികൃതരാണ് ഇതുമായി ബന്ധപ്പെട്ട വിവരങ്ങൾ പുറത്തുവിട്ടത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

65 വയസ്സിനു മുകളിൽ പ്രായമുള്ളവരിൽ ഫൈസർ/ബയോൻടെകിന്റെ ബൈവലന്റ് വാക്സിൻ എടുത്ത് 21 ദിവസത്തിനു ശേഷം ഇവരുടെ തലച്ചോറിലേക്കുള്ള ധമനിയിൽ രക്തം കട്ടപിടിക്കുന്നതുമൂലമുണ്ടാകുന്ന ബ്രെയിൻ സ്ട്രോക്ക് ഉണ്ടാവുന്നുവെന്നാണ് യുഎസ് ആരോ​ഗ്യവകുപ്പിന്റെ കണ്ടെത്തൽ.

അപ്ഡേറ്റ് ചെയ്ത വാക്സിൻ എടുത്തതിനു ശേഷമാണ് ഇത്. ഇതിനു മുമ്പുള്ള വാക്സിൻ എടുത്തവരിൽ 22 മുതൽ 44 ദിവസത്തിനുള്ളിലായിരുന്നു ബ്രയിൻ സ്ട്രോക്ക് സംഭവിച്ചിരുന്നതെന്നും ആരോ​ഗ്യവകുപ്പ് വ്യക്തമാക്കുന്നു.

അതേസമയം വാക്സിൻ അപ്ഡേറ്റ് ചെയ്ത ശേഷം ഇത്തരം ഏതാനും മസ്തിഷ്കാഘാത കേസുകൾ ഉണ്ടാവുന്നതായി വിവരം ലഭിച്ചതായി ഫൈസർ/ ബയോൻടെക് പ്രസ്താവനയിൽ അറിയിച്ചു.

News Tag Live യുട്യൂബ് ചാനല്‍ Subscribe ചെയ്യുക