ഒഡീഷാ ആരോഗ്യമന്ത്രിക്ക് നേരെ പോലിസുകാരന്‍ വെടിയുതിര്‍ത്തു

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പട്‌ന: ഒഡീഷാ ആരോഗ്യമന്ത്രി നാബാ ദാസിന് പോലിസ് ഉദ്യോഗസ്ഥന്റെ വെടിയേറ്റു. ജാര്‍സുഗുഡ ആശുപത്രിയില്‍ പ്രവേശിപ്പിച്ച അദ്ദേഹത്തിന്റെ ആരോഗ്യനില അതീവ ഗുരുതരമായി തുടരുകയാണ്. ഇന്ന് ഉച്ചയ്ക്ക് 12.30ഓടെയാണ് സംഭവം. പുതിയ പാര്‍ട്ടി ഓഫീസിന്റെ ഉദ്ഘാടനത്തിനായി കാറില്‍ നിന്നിറങ്ങി നടക്കവെ ഒരു പോലിസ് ഉദ്യോഗസ്ഥനാണ് അദ്ദേഹത്തിന് നേരെ വെടിയുതിര്‍ത്തത്. എ എസ് ഐ ഗോപാല്‍ ചന്ദ്ര ദാസ് ആണ് വെടിയുതിര്‍ത്തത്.

നെഞ്ചില്‍ രണ്ട് വെടിയുണ്ടകള്‍ തറച്ചുവെന്നാണ് റിപ്പോര്‍ട്ട്. നവീന്‍ പട്‌നായിക് മന്ത്രിസഭയിലെ പ്രമുഖനാണ് നാബാദാസ്. ഭ്രജരാജ്‌നഗറിലെ ബിജെഡിയുടെ ഓഫിസ് ഉദ്ഘാടനം ചെയ്യാനെത്തിയപ്പോഴായിരുന്നു വെടിയേറ്റത്. 2024ല്‍ നിയമസഭാ തെരഞ്ഞെടുപ്പ് നടക്കാനിരിക്കെ സംസ്ഥാനത്തെ പ്രമുഖ ബിജെഡി നേതാവായ നബാ ദാസിനെതിരായ ആക്രമണം ആശങ്കാജനകമാണ്.