പ്രായപൂർത്തിയായവർക്ക് അശ്ലീലവീഡിയോകൾ ആസ്വദിക്കാൻ പോൺ പാസ്പോർട്ടുമായി സ്പെയിൻ

പ്രായപൂർത്തിയായവർക്ക് അശ്ലീലവീഡിയോകൾ ആസ്വദിക്കാൻ പോൺ പാസ്പോർട്ടുമായി സ്പെയിൻ. പോൺ പാസ്പോർട്ട് എന്നറിയപ്പെടുന്ന മൊബൈൽ ആപ്ലിക്കേഷൻ വികസിപ്പിച്ചാണ് സ്പെയിൻ പ്രായപൂർത്തിയാവാത്തവർക്ക് പോൺ വീഡിയോകൾ ലഭിക്കാനുള്ള സാധ്യത തടയുന്നത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പോൺ പാസ്പോർട്ട് ഉപയോ​ഗിച്ച് പ്രായപൂർത്തിയായവർക്ക് അശ്ലീലവീഡിയോകൾ തടസ്സംകൂടാതെ കാണാനുമാവും. ഡിജിറ്റൽ വാലറ്റ് ബീറ്റ എന്ന പദ്ധതിയുടെ ഭാ​ഗമായാണ് സ്പെയിൻ പോൺ പാസ്പോർട്ട് എന്ന മൊബൈൽ ആപ് വികസിപ്പിച്ചത്. അധികം വൈകാതെ തന്നെ പോൺപാസ്പോർട്ട് സ്പെയിൻ അവതരിപ്പിക്കും.

സർക്കാർ നൽകുന്ന സർട്ടിഫിക്കറ്റുകളുടെ സഹായത്തോടെ വേണം ഉപയോ​ക്താക്കൾ തങ്ങളുടെ പ്രായം മൊബൈൽ ആപ്ലിക്കേഷനിൽ തെളിയിക്കേണ്ടത്. പ്രായപൂർത്തിയായെന്ന് തെളിയിക്കുന്നതോടെ അശ്ലീലവീഡിയോകൾ കാണുന്നതിന് ആപ്പിൽ അനുമതി ലഭിക്കും. ആപ്പിൽ നൽകുന്ന പോൺ ക്രെഡിറ്റുകൾ ഉപയോ​ഗിച്ച് അം​ഗീകൃത പോൺസൈറ്റുകൾ സന്ദർശിച്ച് ഉപയോക്താക്കൾക്ക് വീഡിയോകൾ കാണാനാവും.

ആപ് തയ്യാറാക്കി നൽകുന്ന ക്യുആർ കോഡ് ഉപയോ​ഗിച്ചാണ് പോൺസൈറ്റുകളിലെ വീഡിയോകൾ ഉപയോക്താക്കൾ കാണേണ്ടത്.കുട്ടികൾക്ക് അശ്ലീലവീഡിയോകൾ ലഭ്യമാവുന്നത് വിലക്കുന്ന യൂറോപ്യൻ യൂനിയന്റെ നിയമങ്ങൾ പാലിക്കുന്നതിന്റെ ഭാ​ഗമായാണ് നടപടി.