കീഴടങ്ങാൻ സാവകാശം തേടിയ ബിൽക്കിസ് ബാനു കേസിലെ പ്രതികളുടെ ഹരജി സുപ്രിംകോടതി തള്ളി

ബിൽകിസ് ബാനു കേസിൽ കീഴടങ്ങാൻ സാവകാശം തേടി പ്രതികൾ സമർപ്പിച്ച ഹരജി സുപ്രിം കോടതി തള്ളി. സ്വാതന്ത്ര്യദിനത്തോടനുബന്ധിച്ച് ​ഗുജറാത്ത് സർക്കാർ പ്രതികളെ മോചിപ്പിച്ച ​ഗുജറാത്ത് സർക്കാർ നടപടി സുപ്രിംകോടതി റദ്ദാക്കിയതോടെയാണ് കേസിലെ മൂന്നു പ്രതികൾ കീഴടങ്ങാൻ ആറാഴ്ച വരെ സമയം നീട്ടി നൽകണം എന്നാവശ്യപ്പെട്ട് കോടതിയെ സമീപിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പ്രായമായ മാതാപിതാക്കളെ നോക്കണം, വിളവെടുപ്പ് കാലമാണ്, കുടുംബത്തിൽ വിവാഹമുണ്ട് തുടങ്ങിയ കാരണങ്ങൾ ചൂണ്ടിക്കാട്ടിയായിരുന്നു ഹരജി. എന്നാൽ മതിയായ കാരണങ്ങൾ ഇല്ലാത്തതിനാൽ ഹരജി തള്ളുന്നുവെന്ന് ജസ്റ്റിസ് ബി വി നാഗരത്ന അറിയിച്ചു. ഈ മാസം 21ന് കീഴടങ്ങണമെന്നാണ് സുപ്രിം കോടതി ഉത്തരവ്. കുറ്റവാളികളായ ഗോവിന്ദ് ഭായ്, മിഥേഷ് ചിമൻലാൽ ബട്ട്, രമേഷ് രൂപ ഭായ് ചന്ദന എന്നിവരാണ് സുപ്രിം കോടതിയിൽ ഹരജി നൽകിയത്.

News Tag Live യുട്യൂബ് ചാനല്‍ Subscribe ചെയ്യുക