സ്വര്‍ണ വില മുകളിലോട്ട് തന്നെ; 90,000ലേക്ക്

07-Oct-2025

Today gold price kerala കൊച്ചി: തുടര്‍ച്ചയായി അഞ്ചാം ദിവസവും സ്വര്‍ണവില കുത്തനെ മുകളിലോട്ട്. ഇന്ന് സ്വര്‍ണം ഗ്രാമിന് 115 രൂപയും പവന് 920 രൂപയുമാണ് വര്‍ധിച്ചത്. ഇതോടെ ഗ്രാമിന് 11,185 രൂപയും പവന് 89,480 രൂപയുമായി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഇന്നലെ ഗ്രാമിന് 125 രൂപയുടെ വര്‍ധിച്ച് 11,070 രൂപയായിരുന്നു. പവന് 1000 രൂപയാണ് ഇന്നലെ കൂടിയത്. 88,560 രൂപയായിരുന്നു ഇന്നലത്തെ പവന്‍ വില.

സ്വര്‍ണത്തിന് ഒരുമാസത്തിനിടെ 11,840 രൂപയാണ് കൂടിയത്. സെപ്തംബര്‍ മാസം തുടക്കത്തില്‍ 77,640 രൂപയായിരുന്നു ഒരു പവന്‍ (8 ഗ്രാം, 22 കാരറ്റ്) സ്വര്‍ണത്തിന്റെ വില. എന്നാല്‍, മാസം അവസാനിക്കുമ്പോള്‍ വില കുത്തനെ ഉയര്‍ന്നു. സെപ്തംബര്‍ 30-ന് 86,760 രൂപയായി.

ഒക്ടോബര്‍ മാസത്തിലും വര്‍ധനവ് തുടരുകയാണ്. ഒക്ടോബര്‍ 1ന് രാവിലെ 87,000 രൂപയിലാണ് വ്യാപാരം ആരംഭിച്ചത്. ഒക്ടോബര്‍ 3ന് രാവിലെ രേഖപ്പെടുത്തിയ 86,560 രൂപയാണ് ഈ മാസത്തെ ഏറ്റവും കുറഞ്ഞ നിരക്ക്. എന്നാല്‍, തൊട്ടടുത്ത ദിവസങ്ങളില്‍ വില കുതിച്ചുയര്‍ന്നു.

18 കാരറ്റ് സ്വര്‍ണത്തിന്റെ വില ഗ്രാമിന് 100 രൂപ കൂടി 9200 രൂപയായും 14കാരറ്റിന്റേത് 70 രൂപ കൂടി 7170 രൂപയായും ഉയര്‍ന്നു. ആഗോള വിപണിയിലും സ്വര്‍ണം വലിയ മുന്നേറ്റമാണ് നടത്തുന്നത്. 3,974.78 ഡോളറാണ് ട്രായ് ഔണ്‍സിന് വില. റെക്കോഡ് നിരക്കിലാണ് വ്യാപാരം പുരോഗമിക്കുന്നത്.

സെപ്തംബര്‍ മാസത്തെ സ്വര്‍ണവില
1- 77,640 (Lowest of Month)

2- 77800

3- 78440

4- 78360

5- 78920

6- 79560

7- 79560

8- 79480

8- 79880

9- 80880

10- 81040

11- 81040