കമ്പനി എംഡിയുടെ വാട്‌സ്ആപ്പ് പ്രൊഫൈല്‍ ചിത്രം ഉപയോഗിച്ച് 35 ലക്ഷം രൂപ തട്ടി; രണ്ടുപേര്‍ കൂടി പിടിയില്‍

കമ്പനി എംഡിയുടെ വാട്‌സ്ആപ്പ് പ്രൊഫൈല്‍ ചിത്രം ഉപയോഗിച്ച് 35 ലക്ഷം രൂപ തട്ടി; രണ്ടുപേര്‍ കൂടി പിടിയില്‍

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കോട്ടയം: കമ്പനി എംഡിയുടെ വാട്‌സ്ആപ്പ് പ്രൊഫൈല്‍ ചിത്രം ദുരുപയോഗം ചെയ്ത് ഓണ്‍ലൈന്‍ തട്ടിപ്പിലൂടെ 35 ലക്ഷം രൂപ തട്ടിയെടുത്തെന്ന കേസില്‍ രണ്ട് ബിഹാര്‍ സ്വദേശികള്‍ കൂടി പൊലീസിന്റെ പിടിയിലായി. നിഹാല്‍കുമാര്‍ (20), സഹില്‍കുമാര്‍ (19) എന്നിവരാണു പിടിയിലായത്. പാലായിലെ സ്ഥാപനത്തിന്റെ എംഡിയുടെ വാട്‌സാപ് പ്രൊഫൈല്‍ ചിത്രം ദുരുപയോഗം ചെയ്ത് ജനുവരി 31ന് ആയിരുന്നു തട്ടിപ്പ് നടന്നത്.
എംഡിയുടെ ചിത്രം ഉപയോഗിച്ച് വ്യാജ വാട്‌സാപ് അക്കൗണ്ട് നിര്‍മിച്ച് അക്കൗണ്ട്‌സ് മാനേജരുടെ ഫോണിലേക്കു പണമാവശ്യപ്പെട്ട് സന്ദേശമയച്ചു. ബിസിനസ് ആവശ്യത്തിനായി വിവിധ ബാങ്ക് അക്കൗണ്ടുകളിലേക്ക് ഉടന്‍ പണം അയയ്ക്കണമെന്നായിരുന്നു സന്ദേശം.

താന്‍ യോഗത്തില്‍ ആയതിനാല്‍ തിരിച്ചുവിളിക്കരുതെന്നും നിര്‍ദേശിച്ചു. എംഡിയാണെന്ന് വിശ്വസിച്ച് സ്ഥാപനത്തില്‍ നിന്ന് 35 ലക്ഷം രൂപ വിവിധ അക്കൗണ്ടുകളിലേക്ക് അയക്കുകയുംചെയ്തു. പിന്നീടാണു തട്ടിപ്പ് പുറത്തായത്. സംഭവത്തില്‍ 5 യുപി സ്വദേശികളെ നേരത്തേ പിടികൂടിയിരുന്നു.