സഹകരണബാങ്കിലെ നിക്ഷേപം മകളുടെ വിവാഹസമയത്ത് തിരികെ ചോദിച്ചിട്ട് നല്‍കിയില്ല; പിതാവ് ജീവനൊടുക്കി

തിരുവനന്തപുരം: സഹകരണ ബാങ്കില്‍ നിക്ഷേപിച്ചിരുന്ന പണം മകളുടെ വിവാഹത്തിനായി പിന്‍വലിക്കാന്‍ അനുവദിക്കാത്തതിനെ തുടര്‍ന്ന് പിതാവ് ജീവനൊടുക്കി. തിരുവനന്തപുരം നെയ്യാറ്റിന്‍കരയിലാണ് സംഭവം. നെയ്യാറ്റിന്‍കര മരുതത്തൂര്‍ സ്വദേശി തോമസ് സാഗരം(55) ആണ് മരിച്ചത്.(father committed suicide after bank deny to withdraw deposit for daughter’s marriage)

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

വിഷം കഴിച്ചതിനെ തുടര്‍ന്ന് ആശുപത്രിയില്‍ പ്രവേശിപ്പിച്ചെങ്കിലും ചികില്‍സയിലിരിക്കെ തോമസ് മരിക്കുകയായിരുന്നു.നെയ്യാറ്റിന്‍കര പെരുമ്പഴുതൂര്‍ സര്‍വീസ് സഹകരണ ബാങ്കില്‍ അഞ്ചുലക്ഷം രൂപയാണ് തോമസ് നിക്ഷേപിച്ചിരുന്നത്. മകളുടെ വിവാഹച്ചെലവിനായാണ് പണം പിന്‍വലിക്കാന്‍ ശ്രമിച്ചതെന്നും എന്നാല്‍ ബാങ്ക് ഇതു നിഷേധിച്ചതോടെ തോമസ് കടുത്ത മനോവിഷമത്തിലായിരുന്നുവെന്നും ബന്ധുക്കള്‍ പറയുന്നു