05
Sep 2024
Thu
തിരുവനന്തപുരം: കേരളത്തില് ഇന്നും മഴ തുടരാന് സാധ്യതയെന്നു കാലാവസ്ഥാ വകുപ്പ്. അടുത്ത മണിക്കൂറുകളില് തിരുവനന്തപുരം, മലപ്പുറം, കോഴിക്കോട്, കണ്ണൂര്, കാസര്ക്കോട് ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
 |
|
തീരദേശ വടക്കന് ആന്ധ്രാപ്രദേശിന് മുകളില് ചക്രവാതചുഴി സ്ഥിതി ചെയ്യുന്നു. ഇന്ന് മധ്യ പടിഞ്ഞാറന്/ വടക്കു പടിഞ്ഞാറന് ബംഗാള് ഉള്ക്കടലിനു മുകളിലായി ന്യൂന മര്ദ്ദമായി ശക്തി പ്രാപിക്കാന് സാധ്യത. രാജസ്ഥാന് മുകളില് സ്ഥിതി ചെയ്തിരുന്ന ന്യൂനമര്ദ്ദം ചക്രവാത ചുഴിയായി ശക്തി കുറഞ്ഞു. മധ്യ പടിഞ്ഞാറന് അറബിക്കടല് ന്യൂനമര്ദ്ദം ഒമാന് തീരത്തിന് സമീപം ചക്രവാത ചുഴിയായി ശക്തി കുറഞ്ഞിട്ടുണ്ട്.
ഇതിന്റെ ഫലമായി കേരളത്തില് അടുത്ത ഒരാഴ്ച വ്യാപകമായി നേരിയതോ ഇടത്തരമോ ആയ മഴക്ക് സാധ്യത. ഒറ്റപ്പെട്ട സ്ഥലങ്ങളില് ഈ മാസം 8 ന് ശക്തമായ മഴക്ക് സാധ്യതയെന്നാണ് കേന്ദ്ര കാലാവസ്ഥവകുപ്പ് അറിയിച്ചത്.
കേരള കര്ണാടക ലക്ഷദ്വീപ് തീരങ്ങളില് ഇന്ന് മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ജാഗ്രതാ നിര്ദേശം
ഈ മാസം എട്ട് വരെ മധ്യ പടിഞ്ഞാറന് അറബിക്കടലിന്റെ മിക്ക ഭാഗങ്ങളും തെക്കു പടിഞ്ഞാറന് അറബിക്കടലിന്റെ പടിഞ്ഞാറന് ഭാഗങ്ങള് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് മണിക്കൂറില് 65 കിലോമീറ്റര് വരെയും വേഗതയില് ശക്തമായ കാറ്റിനു സാധ്യതയുള്ളതിനാല് ജാഗ്രതാനിര്ദേശം ഇറക്കി.
ഗള്ഫ് ഓഫ് മാന്നാര്, തെക്കന് തമിഴ്നാട് തീരം, അതിനോട് ചേര്ന്ന കന്യാകുമാരി തീരം എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
ഇന്ന് തെക്കന് ബംഗാള് ഉള്ക്കടല്, മധ്യ ബംഗാള് ഉള്ക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് മണിക്കൂറില് 65 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
മധ്യ അറബിക്കടല്, തെക്ക് പടിഞ്ഞാറന് അറബിക്കടലിന്റെ വടക്കന് ഭാഗങ്ങളും, വടക്കന് ആന്ധ്രാപ്രദേശ് തീരം, ആന്ഡമാന് കടല് എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026