പി സി ജോര്‍ജിന് ജാമ്യമില്ല; 14 ദിവസത്തേക്ക് റിമാന്‍ഡ് ചെയ്തു

മതവിദ്വേഷ പ്രസ്താവന നടത്തിയ ബിജെപി നേതാവ് പി സി ജോര്‍ജിനെ 14 ദിവസത്തേക്ക് റിമാന്‍ഡ് ചെയ്തു. പാലാ സബ് ജയിലിലാണ് പി സി ജോര്‍ജിനെ പാര്‍പ്പിക്കുക. കീഴ്‌ക്കോടതിയും ഹൈക്കോടതിയും മുന്‍കൂര്‍ ജാമ്യാപേക്ഷ തള്ളിയതിനെ തുടര്‍ന്ന് ഒളിവില്‍ പോയ പി സി ജോര്‍ജ് ഇന്ന് നാടകീയമായി ഈരാറ്റുപേട്ട കോടതിയില്‍ ഹാജരാവുകയായിരുന്നു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

തുടര്‍ന്ന് കോടതി ഇയാളെ വൈകീട്ട് ആറുമണി വരെ പോലീസ് കസ്റ്റഡിയില്‍ വിട്ടിരുന്നു. തുടര്‍ന്ന് പി സി ജോര്‍ജിന്റെ ജാമ്യാപേക്ഷ പരിഗണിച്ച കോടതി ജാമ്യം നിഷേധിക്കുകയും 14 ദിവസത്തേക്ക് റിമാന്‍ഡില്‍ വിടുകയുമായിരുന്നു. പി സി ജോര്‍ജ് നിരന്തരം മതവിദ്വേഷ പ്രസ്താവന നടത്തുന്നയാളാണെന്നു ഹൈക്കോടതി നേരത്തേ നിരീക്ഷിച്ചിരുന്നു. ഇതടക്കമുള്ള വസ്തുതകള്‍ പരിഗണിച്ചാണ് ഈരാറ്റുപേട്ട കോടതി പി സി ജോര്‍ജിനെ റിമാന്‍ഡ് ചെയ്തത്.

ALSO READ: പി സി ജോര്‍ജിനെ പോലീസ് കസ്റ്റഡിയില്‍ വിട്ടു

News Tag Live യുട്യൂബ് ചാനല്‍ Subscribe ചെയ്യുക