26
Feb 2025
Thu
തിരുവനന്തപുരം: കേരളത്തില് ഇന്നും ഉയര്ന്ന താപനില മുന്നറിയിപ്പ്. മധ്യ കേരളത്തിലും വടക്കന് ജില്ലകളിലും ശക്തമായ ചൂട് തുടരുമെന്നാണ് അറിയിപ്പ്. കാസര്കോട്, കണ്ണൂര് എന്നീ വടക്കന് ജില്ലകളില് 38 ഡിഗ്രി സെല്ഷ്യസ് വരെയും മലപ്പുറം, തൃശൂര്, പാലക്കാട്, കോട്ടയം, കൊല്ലം എന്നീ ജില്ലകളില് 37ഡിഗ്രി സെല്ഷ്യസ് വരെയും ഉയര്ന്ന താപനില രേഖപ്പെടുത്തുമെന്ന് കേന്ദ്രകാലാവസ്ഥ വകുപ്പ് മുന്നറിയിപ്പ് നല്കി.
 |
|
കോഴിക്കോട്, എറണാകുളം, പത്തനംതിട്ട, ആലപ്പുഴ ജില്ലകളില് ഉയര്ന്ന താപനില 36 ഡിഗ്രി സെല്ഷ്യസ് വരെയെത്തും. ഉയര്ന്ന താപനിലയും ഈര്പ്പമുള്ള വായുവും കാരണം ചൂടും അസ്വസ്ഥതയുമുള്ള അന്തരീക്ഷ സ്ഥിതിയ്ക്ക് സാധ്യതയുണ്ട്. ജനങ്ങള് ജാഗ്രത പാലിക്കണമെന്നും നിര്ദേശം നല്കിയിട്ടുണ്ട്.
രാവിലെ 11 മുതല് ഉച്ചയ്ക്ക് മൂന്ന് മണി വരെ സൂര്യപ്രകാശം ശരീരത്തില് നേരിട്ട് ഏല്ക്കുന്നത് ഒഴിവാക്കണമെനമന്നാണ് മുന്നറിയിപ്പ്.
ഈ ദിവസങ്ങളില് ഒറ്റപ്പെട്ടയിടങ്ങളില് വേനല്മഴയ്ക്ക് സാദ്ധ്യതയുണ്ടെന്നും കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്. വെളളി, ശനി എന്നീ ദിവസങ്ങളില് തിരുവനന്തപുരം, കൊല്ലം, പത്തനംതിട്ട എന്നീ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
Rain will be a relief in these places; Yellow alert in three districts
Latest News
Trending
More Stories
All Rights Reserved © 2022