22
Apr 2025
Thu
 |
|
തിരുവനന്തപുരം: കേരളത്തില് ഇന്നും ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി. എല്ലാ ജില്ലകളിലും ഒറ്റപ്പെട്ട ഇടിമിന്നലോട് കൂടിയ ശക്തമായ മഴയ്ക്കും മണിക്കൂറില് 30 കിലോമീറ്റര് മുതല് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പ് അറിയിച്ചത്.
ഞായറാഴ്ച വരെ മഴ തുടര്ന്നേക്കും. ഇന്നലെ വിവിധ ജില്ലകളില് ശക്തമായ മഴയാണ് ലഭിച്ചത്. ഉച്ചയ്ക്ക് ശേഷമാണ് മഴ ഉണ്ടായത്. ഇടിമിന്നലോടുകൂടിയ മഴയാണ് നിലവില് ലഭിച്ചുകൊണ്ടിരിക്കുന്നത്. ഒപ്പം കാറ്റും റിപ്പോര്ട്ട്ചെയ്തു. പകല് താപനില ഉയരാന് സാധ്യതയുള്ള വിവിധ ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്.
കള്ളക്കടല് പ്രതിഭാസത്തിന്റെ ഭാഗമായി കേരള തീരത്ത് നാള (ഏപ്രില് 25) രാത്രി 11.30 വരെ 0.8 മുതല് 1.7 മീറ്റര് വരെയും കന്യാകുമാരി തീരത്ത് 11.30 വരെ 0.8 മുതല് 1.5 മീറ്റര് വരെയും ഉയര്ന്ന തിരമാലകള് കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചിട്ടുണ്ട്. കടലാക്രമണത്തിന് സാധ്യതയുള്ളതിനാല് മത്സ്യത്തൊഴിലാളികളും തീരദേശവാസികളും ജാഗ്രത പാലിയ്ക്കാനും നിര്ദേശിച്ചു. കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം. മല്സ്യബന്ധന യാനങ്ങള് (ബോട്ട്, വള്ളം, മുതലായവ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കണമെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം മുന്നറിയിപ്പ് നല്കി.
The Central Meteorological Department has warned of the possibility of isolated heavy rains in Kerala today.
Latest News
More Stories
All Rights Reserved © 2022