ഡോക്ടറാവാനായി ഈ മൂന്നടി പൊക്കക്കാരൻ നടത്തിയ പോരാട്ടം ഏവർക്കും പ്രചോദനമാണ്

എംബിബിഎസ് പഠനത്തിന് ​ഗണേഷ് ബാരയ്യ എന്ന ​ഗുജറാത്ത് സ്വദേശിക്ക് മെഡിക്കൽ കൗൺസിൽ ഓഫ് ഇന്ത്യ അനുമതി നിഷേധിച്ചത്
മൂന്നടി മാത്രം ഉയരമുള്ളതിനാലായിരുന്നു. 20 കിലോ​ഗ്രാമിൽ താഴെയായിരുന്നു യുവാവിന്റെ അന്നത്തെ പ്രായം. ശാരീരികമായ പരിമിതികൾ നേരിടുന്ന ​ഗണേഷിന് എംബിബിഎസ് പ്രവേശനത്തിന് അനുമതി നൽകാനാവില്ലെന്നായിരുന്നു മെഡിക്കൽ കൗൺസിലിന്റെ നിലപാട്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

എന്നാൽ ഇതിനെതിരേ ​ഗണേഷ് ബാരയ്യ ഹൈക്കോടതിയെയും ഇവിടെയും തിരിച്ചടി നേരിട്ടതോടെ സുപ്രിംകോടതിയെ സമീപിക്കുകയായിരുന്നു. 2018ലായിരുന്നു സംഭവം. സ്കൂൾ പ്രിൻസിപ്പൽ ഡോ. ദൽപത് ഭായി കതാരിയയായിരുന്നു തന്റെ പ്രിയ വിദ്യാർഥിയുടെ നിയമപോരാട്ടത്തിനുള്ള ചെലവ് വഹിച്ചത്. കർഷക കുടുംബത്തിലെ അം​ഗമാണ് ​ഗണേഷ് ഭാരയ്യ.

ഹൈക്കോടതിയുടെ ഭാ​ഗത്തുനിന്നും പ്രതികൂല ഉത്തരവ് വന്നതോടെ ​ഗണേഷ് ബിഎസ് സി പഠനത്തിന് ചേരുകയും ഇതിനിടെ തന്നെ സുപ്രിംകോടതിയെ സമീപിക്കുകയും ചെയ്തിരുന്നു. പൊക്കക്കുറവുകൊണ്ടു മാത്രം പഠനാനുമതി നിഷേധിക്കരുതെന്ന് സുപ്രിംകോടതി ഉത്തരവിട്ടതോടെ ​ഗ​ണേഷ് ബാരയ്യ എംബിബിഎസ് പ്രവേശനം നേടി. പഠനവും ഇന്റേൺഷിപ്പും പൂർത്തിയാക്കിയതോടെ ഡോ. ​ഗണേഷ് ബാരയ്യ ​ഗ്രാമവാസികളെ ചികിൽസിക്കാനും തുടങ്ങി. ​ഗ്രാമീണ മേഖലയിലെ ദരിദ്ര ജനങ്ങളെ ചികിൽസിക്കുകയാണ് തന്റെ ലക്ഷ്യമെന്ന് ഡോക്ടർ പറയുന്നു.

​ഡോക്ടർ ​ഗണേഷ് ബാരയ്യയുടെ അടുക്കൽ എത്തുന്ന രോ​ഗികൾ ആദ്യം അമ്പരക്കുകയോ ആശങ്കപ്പെടുകയോ ചെയ്യാറുണ്ട്. ഡോക്ടറിനും രോ​ഗികളുടെ ഈ പെരുമാറ്റം ഇപ്പോൾ ശീലമായി. രോ​ഗികളുടെ ആദ്യത്തെ അങ്കലാപ്പ് കഴിയുന്നതോടെ ഡോക്ടർ തന്റെ ജോലിയിൽ വ്യാപൃതനാവുകയും രോ​ഗികൾ സന്തോഷവാരാവുകയും ചെയ്യും.

ശാരീരിക പരിമിതികളെ നിശ്ചയദാർഢ്യവും നിയമപോരാട്ടവും കഠിനാധ്വാനവും മുതലാക്കി സ്വപ്നം സാക്ഷാൽക്കരിച്ചു ഡോക്ടറായി മാറുകയും ദരിദ്ര ജനവിഭാ​ഗങ്ങൾക്ക് ചികിൽസ ഉറപ്പാക്കുകയും ചെയ്യുന്ന ഡോ. ​ഗണേഷ് ബാരയ്യ പകരുന്ന പ്രചോദനം അത്രയേറെയാണ്.

ALSO READ:ഹരീഷ് കണാരനെ സിനിമകളില്‍ നിന്ന് കാണാതായതിനു പിന്നില്‍ പ്രൊഡക്ഷന്‍ കണ്‍ട്രോളര്‍ ബാദുഷയുടെ ചതി; തുറന്നുപറച്ചിലില്‍ വിവാദം പുകയുന്നു