മൂന്ന് മുന്നണികളില്‍ ഒരേസമയം യുദ്ധത്തിന് തയ്യാറെടുത്ത് ഇസ്രായേല്‍; അധിനിവേശ സൈന്യം ഭയക്കുന്നതെന്ത്?

Israel prepares for war on three fronts പശ്ചിമേഷ്യയില്‍ യുദ്ധഭീതി വര്‍ധിപ്പിച്ചുകൊണ്ട്, ഒരേസമയം മൂന്ന് മേഖലകളില്‍ നിന്നുള്ള അപ്രതീക്ഷിത ആക്രമണങ്ങളെ നേരിടാന്‍ ഇസ്രായേല്‍ സൈന്യം തയ്യാറെടുക്കുന്നതായി റിപ്പോര്‍ട്ട്. ഇസ്രായേലി മാധ്യമമായ ചാനല്‍ 12 ആണ് ഈ വാര്‍ത്ത പുറത്തുവിട്ടത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പ്രധാന യുദ്ധമുഖങ്ങള്‍

ഇസ്രായേലിന്റെ സുരക്ഷാ കണക്കുകൂട്ടലുകള്‍ പ്രകാരം താഴെ പറയുന്ന മൂന്ന് മേഖലകളില്‍ നിന്ന് ഒരേസമയം വെല്ലുവിളികള്‍ ഉണ്ടാകാന്‍ സാധ്യതയുണ്ടെന്ന് സൈന്യം വിലയിരുത്തുന്നു

ഇറാന്‍: ഇസ്രായേലിനെ നേരിട്ട് ലക്ഷ്യം വെച്ചുള്ള ഇറാന്റെ സൈനിക നീക്കങ്ങള്‍.

ലബ്‌നാന്‍: അതിര്‍ത്തി പങ്കിടുന്ന ലെബനനില്‍ നിന്ന് ഹിസ്ബുള്ളയുടെ ഭാഗത്തുനിന്നുള്ള ആക്രമണ സാധ്യതകള്‍

വസ്റ്റ് ബാങ്ക് (West Bank): പലസ്തീന്‍ മേഖലയായ വെസ്റ്റ് ബാങ്കില്‍ ഉടലെടുക്കാവുന്ന ആഭ്യന്തര പ്രക്ഷോഭങ്ങളും സായുധ പോരാട്ടങ്ങളും.

സൈനിക നീക്കത്തിന്റെ പശ്ചാത്തലം

ഒരു അപ്രതീക്ഷിത യുദ്ധം (Sudden War) ഉണ്ടാകാനുള്ള സാധ്യത കണക്കിലെടുത്ത് പ്രതിരോധ സംവിധാനങ്ങള്‍ ശക്തമാക്കാനും സേനാവിന്യാസം പുനഃക്രമീകരിക്കാനും സൈന്യത്തിന് നിര്‍ദ്ദേശം ലഭിച്ചു കഴിഞ്ഞു. മേഖലയില്‍ സംഘര്‍ഷം പുകയുന്ന സാഹചര്യത്തില്‍, ഏത് നിമിഷവും ഉണ്ടായേക്കാവുന്ന ആക്രമണങ്ങളെ പ്രതിരോധിക്കാന്‍ തക്കവണ്ണമുള്ള തന്ത്രങ്ങളാണ് ഇസ്രായേല്‍ അധിനിവേശ സൈന്യം ആവിഷ്‌കരിക്കുന്നത്.