ക്രിസ്റ്റ്യാനോ റൊണാള്‍ഡോയും ജോര്‍ജിന റോഡ്രിഗസും വിവാഹിതരായി; പോര്‍ച്ചുഗലില്‍ സ്വകാര്യ ചടങ്ങ്

പോർച്ചുഗീസ് ഫുട്ബോൾ ഇതിഹാസം ക്രിസ്റ്റ്യാനോ റൊണാൾഡോയും ദീർഘകാല പങ്കാളി ജോർജിന റോഡ്രിഗസും വിവാഹിതരായി. ഓഗസ്റ്റ് 11 ചൊവ്വാഴ്ച നടന്ന ലളിതമായ ചടങ്ങിലായിരുന്നു ഇരുപതാം നൂറ്റാണ്ടിലെ പ്രമുഖ ദമ്പതികളുടെ വിവാഹം. ഫുട്ബോൾ മൈതാനത്തിന് പുറത്ത് ആരാധകരെ അമ്പരപ്പിച്ച വാർത്ത റൊണാൾഡോ തന്നെ സോഷ്യൽ മീഡിയയിലൂടെയാണ് പുറത്തുവിട്ടത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മോതിരം ധരിച്ച് പരസ്പരം കൈകോർത്തുപിടിച്ചിരിക്കുന്ന ചിത്രം പങ്കുവെച്ചാണ് റൊണാൾഡോ വിവാഹവാർത്ത സ്ഥിരീകരിച്ചത്. അഞ്ച് മക്കളുടെ സാന്നിധ്യത്തിൽ തികച്ചും സ്വകാര്യമായ ചടങ്ങിലായിരുന്നു വിവാഹമെന്ന് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.

പോർച്ചുഗൽ തലസ്ഥാനമായ ലിസ്ബണിന് സമീപമുള്ള തീരദേശ നഗരമായ കാസ്കൈസിലായിരുന്നു (Cascais) ചടങ്ങുകൾ നടന്നത്. ക്രിസ്റ്റ്യാനോ ജൂനിയർ, ഇരട്ടക്കുട്ടികളായ ഈവ, മാറ്റിയോ, അലാന മാർട്ടിന, ബെല്ല എസ്മറാൾഡ എന്നിവരാണ് ഇവരുടെ അഞ്ച് മക്കൾ. “C❤️G” എന്ന ക്യാപ്ഷനോടെയാണ് റൊണാൾഡോ ചിത്രം ഇൻസ്റ്റഗ്രാമിൽ പങ്കുവെച്ചത്.

റൊണാൾഡോയുടെ അടുത്ത സുഹൃത്തും ബ്രിട്ടീഷ് മാധ്യമപ്രവർത്തകനുമായ പിയേഴ്സ് മോർഗനും നവദമ്പതികളുടെ ചിത്രം സോഷ്യൽ മീഡിയയിൽ പങ്കുവെച്ചിട്ടുണ്ട്.

 

View this post on Instagram

 

A post shared by Cristiano Ronaldo (@cristiano)

2016-ൽ മാഡ്രിഡിൽ വെച്ചാണ് റൊണാൾഡോയും ജോർജിനയും ആദ്യമായി കണ്ടുമുട്ടുന്നത്. അന്ന് റിയൽ മാഡ്രിഡ് താരമായിരുന്ന റൊണാൾഡോ ജോർജിന ജോലി ചെയ്തിരുന്ന ഗൂച്ചി (Gucci) ഷോറൂമിൽ വെച്ചാണ് പരിചയപ്പെടുന്നത്. പിന്നീട് മറ്റൊരു ബ്രാൻഡ് ഇവന്റിൽ വെച്ച് കണ്ടുമുട്ടിയതോടെ ഇരുവരും അടുപ്പത്തിലാവുകയായിരുന്നു. സ്പെയിൻ, ഇറ്റലി, യുകെ, സൗദി അറേബ്യ തുടങ്ങി റൊണാൾഡോ പന്തുകളിച്ച രാജ്യങ്ങളിലെല്ലാം നിഴൽപോലെ ജോർജിനയും ഒപ്പമുണ്ടായിരുന്നു.

2017 നവംബറിലാണ് ജോർജിനയ്ക്ക് മകൾ അലാന മാർട്ടിന ജനിക്കുന്നത്. ഇതിന് തൊട്ടുമുമ്പ് വാടകഗർഭപാത്രത്തിലൂടെ (Surrogacy) ജനിച്ച ഈവ, മാറ്റിയോ എന്നീ ഇരട്ടക്കുട്ടികളെയും റൊണാൾഡോയുടെ മൂത്തമകൻ ക്രിസ്റ്റ്യാനോ ജൂനിയറിനെയും സ്വന്തം മക്കളെപ്പോലെയാണ് ജോർജിന വളർത്തിയത്.

അന്താരാഷ്ട്ര ഫുട്ബോളിൽ 146 ഗോളുകളോടെ ഏറ്റവും കൂടുതൽ ഗോൾ നേടിയ താരമെന്ന റെക്കോർഡിനുടമയായ റൊണാൾഡോ അഞ്ച് തവണ ബലോൺ ഡി ഓർ പുരസ്കാരം നേടിയിട്ടുണ്ട്. നിലവിൽ സൗദി പ്രോ ലീഗ് ക്ലബ്ബായ അൽ നാസറിന് വേണ്ടിയാണ് താരം കളിക്കുന്നത്.

Tags: Cristiano Ronaldo, Georgina Rodriguez, Ronaldo Wedding, Portugal Football, Al Nassr, Sports News Malayalam, Latest Malayalam News, Celebrity Wedding

News Tag Live യുട്യൂബ് ചാനല്‍ Subscribe ചെയ്യുക