സിദ്ദീഖ് കാപ്പന് ജാമ്യം; രണ്ടുവർഷത്തിനു ശേഷം ജയിൽ മോചിതനാവുന്നു

മാധ്യമപ്രവർത്തകൻ സിദ്ദീഖ് കാപ്പന് ലഖ്നൗ സെഷൻസ് കോടതി ജാമ്യം അനുവദിച്ചു. സിദ്ദീഖ് കാപ്പനെ മോചിപ്പിക്കുന്നതിനുള്ള ഉത്തരവിൽ കോടതി ഒപ്പുവച്ചു.നാളെ അദ്ദേഹം ജയിൽമോചിതനാകുമെന്നാണ് കരുതുന്നത്. ഉത്തർപ്രദേശിലെ ഹാഥ്രസിൽ സവ‍‍ർണ‍ർ കൂട്ടബലാൽസം​ഗം ചെയ്തുകൊന്ന ദലിത് പെൺകുട്ടിയുടെ കുടുംബത്തെ കണ്ട് വാർത്ത തയ്യാറാക്കാൻ പോകവെയാണ് സിദ്ദീഖ് കാപ്പനെ യുപി പൊലീസ് അറസ്റ്റ് ചെയ്തത്. പിന്നീട് യുഎപിഎ ചുമത്തുകയും ചെയ്തു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ജാമ്യം അനുവദിച്ചതോടെ രണ്ടുവ‍ർഷത്തെ ജയിൽ ജീവിതത്തിനു ശേഷം സിദ്ദീഖ് കാപ്പന് പുറത്തിറങ്ങാൻ അവസരം ലഭിച്ചിരിക്കുകയാണ്. ആദ്യ കേസിൽ നേരത്തേ ജാമ്യം അനുവദിച്ചിരുന്നു. സിദ്ദീഖ് കാപ്പൻ്റെ കുടുംബം കഴിഞ്ഞദിവസം ഡൽഹിയിലെത്തിയിരുന്നു.