നമ്മള്‍ ഒരു രാജ്യമാണെന്ന് മറക്കരുത്, തമ്മില്‍ പോരടിക്കരുത്; ഉപദേശവുമായി മോഹന്‍ ഭാഗവത്

നാഗ്പൂര്‍: നമ്മള്‍ ഒരു രാജ്യമാണെന്ന കാര്യം മറക്കരുതെന്നും തമ്മില്‍ പോരടിക്കരുതെന്നും ഉപദേശിച്ച് ആര്‍എസ്എസ് മേധാവി മോഹന്‍ ഭാഗവത്. രാജ്യത്തിന്റെ അതിര്‍ത്തിയിലെ ശത്രുക്കളോട് നമ്മുടെ ശക്തി കാണിക്കുന്നതിന് പകരം നമ്മള്‍ തമ്മില്‍ പോരടിക്കുകയാണ്. ഇന്ത്യയിലെ ഓരോ പൗരനും രാജ്യത്തിന്റെ ഐക്യവും അഖണ്ഡതയും ഊട്ടിയുറപ്പിക്കാന്‍ ശ്രമിക്കുകയാണ് വേണ്ടതെന്നും ആര്‍എസ്എസ് പ്രവര്‍ത്തകര്‍ക്കുള്ള ഉദ്യോഗസ്ഥരുടെ പരിശീലന ക്യാമ്പ് ഉദ്ഘാടനംചെയ്യവെ മോഹന്‍ ഭാഗവത് പറഞ്ഞു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

അതിര്‍ത്തിയില്‍ ഇരിക്കുന്ന ശത്രുക്കളോട് ഞങ്ങള്‍ ഞങ്ങളുടെ ശക്തി കാണിക്കുന്നില്ല, മറിച്ച് ഞങ്ങള്‍ തമ്മില്‍ പോരാടുകയാണ്. നമ്മള്‍ ഒരു രാജ്യമാണെന്ന കാര്യം നമ്മള്‍ മറക്കുകയാണ്. ഇന്ത്യയുടെ ഐക്യത്തിനും അഖണ്ഡതയ്ക്കും വേണ്ടി എല്ലാവരും പരിശ്രമിക്കണം. എന്തെങ്കിലും പോരായ്മകളുണ്ടെങ്കില്‍, നാമെല്ലാവരും അവ പരിഹരിക്കേണ്ടതുണ്ട്, ‘അദ്ദേഹം കൂട്ടിച്ചേര്‍ത്തു.

‘പുറത്തുനിന്നുള്ളവര്‍ പോയിരിക്കുന്നു, എന്നാല്‍ നൂറ്റാണ്ടുകളായി ഇസ്‌ലാമിന്റെ ആചാരങ്ങള്‍ ഇവിടെ സുരക്ഷിതമാണ്,’ അദ്ദേഹം അഭിപ്രായപ്പെട്ടു. നമ്മുടെ രാജ്യത്ത് ജാതി വ്യവസ്ഥയുടെ പേരില്‍ അനീതി നടന്നിട്ടുണ്ട് എന്ന് അംഗീകരിക്കേണ്ടതുണ്ടെന്നും’ ഭഗവത് പറഞ്ഞു.