29
Aug 2023
Thu
NSS ന്റെ നാമജപ ഘോഷയാത്ര: ആയിരം പേര്ക്കെതിരേ കേസ്; വൈസ് പ്രസിഡന്റ് ഒന്നാം പ്രതി
 |
|
തിരുവനന്തപുരം: സ്പീക്കര് എഎന് ഷംസീറിന്റെ ഗണപതി പരാമര്ശത്തില് പ്രതിഷേധിച്ച് തിരുവനന്തപുരത്ത് എന്എസ്എസ് സംഘടിപ്പിച്ച നാമജപ ഘോഷയാത്രയ്ക്കെതിരെ പൊലീസ് കേസ്. എന്എസ്എസ് വൈസ് പ്രസിഡന്റ് സംഗീത് കുമാറാണ് ഒന്നാം പ്രതി. കണ്ടാല് അറിയാവുന്ന ആയിരത്തോളം പേര്ക്കെതിരെയും കേസ് എടുത്തിട്ടുണ്ട്. ഇന്നലെ വൈകീട്ട് പാളയം ഗണപതി ക്ഷേത്രത്തില് നിന്ന് പഴവങ്ങാടി ഗണപതി ക്ഷേത്രം വരെയായിരുന്നു ഘോഷയാത്ര. ഇതേതുടര്ന്ന് ഒരുമണിക്കൂറോളം നേരം എംജി റോഡില് ഗതാഗതം സ്തംഭിച്ചിരുന്നു.
തിരുവനന്തപുരം കന്റോണ്മെന്റ് പോലീസാണ് കേസെടുത്തിരിക്കുന്നത്. ഇന്ത്യന് ശിക്ഷാനിയമത്തിലെ 143, 147, 149 283 വകുപ്പുകള് ചേര്ത്താണ് എഫ്.ഐ.ആര്. രജിസ്റ്റര് ചെയ്തിരിക്കുന്നത്. ഇതുകൂടാതെ കേരളാ പോലീസ് ആക്ടിന്റെ 39, 121, 77ബി വകുപ്പുകളും ചുമത്തിയിട്ടുണ്ട്. പൊതുസ്ഥലങ്ങില് ജാഥകളോ സമരങ്ങളോ നടത്താന് പാടില്ലെന്നുള്ള നിയമത്തിന് വിപരീതമായി നാമജപയാത്ര നടത്തിയെന്നാണ് എഫ്.ഐ.ആറിലുള്ളത്
Latest News
More Stories
All Rights Reserved © 2022