ഇത് അഭിമാനം: മലയാളി താരം മിന്നു മണി ഇന്ത്യ എ ടീം ക്യാപ്റ്റന്‍

ഇത് അഭിമാനം: മലയാളി താരം മിന്നു മണി ഇന്ത്യ എ ടീം ക്യാപ്റ്റന്‍

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മുംബൈ: ഇംഗ്ലണ്ട് വനിതാ എ ടീമിനെതിരായ ടി20 പരമ്പരയ്ക്കുള്ള ഇന്ത്യന്‍ വനിതാ എ ടീമിനെ മലയാളി ഓള്‍ റൗണ്ടര്‍ മിന്നു മണി നയിക്കും. മൂന്ന് മത്സരങ്ങളാണ് പരമ്പരയിലുള്ളത്. രാജ്യാന്തര ക്രിക്കറ്റില്‍ ഇന്ത്യന്‍ ടീമിന്റെ ക്യാപ്റ്റനാവുന്ന ആദ്യ മലയാളി താരമാണ് മിന്നു. ഈ മാസം 29 മുതലാണ് പരമ്പര തുടങ്ങുന്നത്. ഇംഗ്ലണ്ട് എ ടീമിന്റെ ഇന്ത്യന്‍ പര്യടനത്തിന്റെ ഭാഗമായാണ് പോരാട്ടം. മൂന്ന് മത്സരങ്ങളും മുംബൈയിലെ വാംഖഡെ സ്‌റ്റേഡിയത്തിലാണ് നടക്കുന്നത്.

സീനിയര്‍ ടീമില്‍ നിന്ന് മിന്നു മണിക്കൊപ്പം കനിക അഹൂജ, മോണിക്ക പട്ടേല്‍ എന്നിവരും ടീമിലുണ്ട്. 2023 ജൂലായ് ഒമ്പതിന് മിര്‍പുരില്‍ ബംഗ്ലാദേശ് വനിതാ ടീമിനെതിരേയായിരുന്നു മിന്നുവിന്റെ സീനിയര്‍ ടീം അരങ്ങേറ്റം. ഇതുവരെ ഇന്ത്യയ്ക്കായി നാല് ടി20 മത്സരങ്ങളില്‍ നിന്ന് അഞ്ച് വിക്കറ്റുകള്‍ നേടിയിട്ടുണ്ട്. ഇന്ത്യന്‍ ദേശീയ ടീമിനായി ടി20 മത്സരം കളിക്കുന്ന ആദ്യ മലയാളി വനിതാ താരമെന്ന ചരിത്ര നേട്ടവും താരം സ്വന്തമാക്കിയിരുന്നു. ചൈനയിലെ ഹാങ്ചൗവില്‍ നടന്ന ഏഷ്യന്‍ ഗെയിംസില്‍ സ്വര്‍ണം നേടിയ ഇന്ത്യന്‍ വനിതാ ടീം അംഗം കൂടിയായിരുന്നു മിന്നു. ഇടംകൈ ബാറ്ററും വലംകൈ സ്പിന്നറുമാണ് മിന്നു. മാനന്തവാടി ചോയിമൂലയിലെ മണിവസന്ത ദമ്പതിമാരുടെ മകളാണ്.

ഇന്ത്യന്‍ എ ടീം: മിന്നു മണി (ക്യാപ്റ്റന്‍), കനിക അഹുജ, ഉമ ഛേത്രി, ശ്രേയങ്ക പാട്ടീല്‍, ഗോംഗ്ദി തൃഷ, വൃന്ദ ദിനേഷ്, ജ്ഞാനാനന്ദ ദിവ്യ, ആരുഷി ഗോയല്‍, ദിഷ കസത്, രാഷി കനോജിയ, മന്നത് കശ്യപ്, അനുഷ ബറെഡ്ഡി, മോനിക്ക പട്ടേല്‍, കഷ്‌വി ഗൗതം, ജിന്‍ഡിമണി കലിത, പ്രകഷിക നായക്.

🚨India A Squad for England T20 Series🚨

🏟️ Wankhede Stadium, Mumbai

📆 29th Nov, 01st Dec & 03rd Dec 2023#BCCI #CricketTwitter pic.twitter.com/KLQlzk5kE5

— Indian Domestic Cricket Forum – IDCF (@IDCForum) November 24, 2023