സ്‌കൂള്‍ വാനില്‍ നിന്നിറങ്ങി റോഡ് മുറിച്ചുകടക്കവേ അതേ വാഹനം തട്ടി 6 വയസ്സുകാരിക്ക് ദാരുണാന്ത്യം

പാലക്കാട്: സ്‌കൂള്‍ വാന്‍ തട്ടി പരിക്കേറ്റ ഒന്നാം ക്ലാസുകാരി മരിച്ചു. പാലക്കാട് എരിമയൂര്‍ ചുള്ളിമട വട്ടോട്ടില്‍ കൃഷ്ണദാസിന്റെ മകള്‍ തൃതിയ (6) ആണ് മരിച്ചത്.(A 6-year-old girl tragically died after being hit by a school van )  സ്‌കൂള്‍ വാനില്‍ നിന്നിറങ്ങി റോഡിന്റെ മറുവശത്തേക്ക് പോകുന്നതിനിടെ അതേ വാഹനം തട്ടിയായിരുന്നു അപകടം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഗുരുതരമായി പരിക്കേറ്റ കുട്ടി കോയമ്പത്തൂരിലെ ആശുപത്രിയില്‍ ചികിത്സയിലിരിക്കെയാണ് മരണം. ഇന്നലെ വൈകീട്ടാണ് അപകടം സംഭവിച്ചത്.

സ്‌കൂള്‍ വാനില്‍ നിന്നിറങ്ങി റോഡ് മുറിച്ചുകടക്കുകയായിരുന്നു കുട്ടി. പെട്ടെന്ന് മുന്നോട്ടെടുത്ത വാനിനടിയില്‍ കുട്ടി പെടുകയായിരുന്നു. വിദഗ്ധ ചികിത്സയ്ക്കായാണ് കോയമ്പത്തൂരിലെ ആശുപത്രിയിലേക്ക് മാറ്റിയത്. ഇവിടെവെച്ചാണ് മരണം സംഭവിച്ചത്.