വളർത്തുനായയെ കുളിപ്പിക്കവേ മലയാളി ഡോക്ടറും സഹോദരിയും മുംബൈയിൽ മുങ്ങിമരിച്ചു

മുംബൈ: വളർത്തുനായയെ കുളിപ്പിക്കവേ ഹരിപ്പാട് സ്വദേശികളായ ഡോക്ടറും സഹോദരിയും മുംബൈയിൽ മുങ്ങിമരിച്ചു. മുംബൈ ഡോംബിവ്ലി വെസ്റ്റ് ഉമേഷ് നഗറിലെ സായ്ചരൺ ബിൽഡിങ് നിവാസികളായ രവീന്ദ്രൻ – ദീപ ദമ്പതികളുടെ മക്കളായ ഡോ. രഞ്ജിത്ത് (23), കീർത്തി (17) എന്നിവരാണ് ഡോംബിവ്ലി ഈസ്റ്റിലുള്ള ദാവ്ഡിയിലെ കുളത്തിൽ മുങ്ങിമരിച്ചത്. മാതാപിതാക്കൾ ചികിത്സാർഥം നാട്ടിലാണ്. കീർത്തി കാൽ തെറ്റി കുളത്തിൽ വീണ സഹോദരിയെ രക്ഷിക്കാൻ ചാടിയപ്പോഴാണ് രഞ്ജിത്തും മുങ്ങിയതെന്നുമാണ് റിപ്പോർട്ട്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

അഗ്‌നിരക്ഷാസേന ഏറെ നേരത്തെ തിരച്ചിലിനു ശേഷമാണ് മൃതദേഹങ്ങൾ കണ്ടെത്തിയത്. പോസ്റ്റ്‌മോർട്ടം പൂർത്തിയാക്കിയ മൃതദേഹങ്ങൾ ഇന്നു നാട്ടിലെത്തിക്കും. രഞ്ജിത് നവിമുംബൈയിലെ ആശുപത്രിയിൽ ഹൗസ് സർജനാണ്. കീർത്തി ഈവർഷം പ്ലസ് ടു കഴിഞ്ഞു.