കേരളത്തില്‍ തിരഞ്ഞെടുപ്പ് എപ്പോള്‍? ഇന്ന് വൈകീട്ട് 4 മണിക്ക് അറിയാം

Assembly election 2026  കേരളം ഉള്‍പ്പെടെയുള്ള അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പ് തിയ്യതി ഇന്ന് പ്രഖ്യാപിക്കും. ഇന്ന് വൈകീട്ട് 4 മണിക്ക് തിരഞ്ഞെടുപ്പ് കമ്മീഷന്‍ ഡല്‍ഹി വിജ്ഞാന്‍ ഭവനില്‍ വിളിച്ചു ചേര്‍ത്തിട്ടുള്ള വാര്‍ത്താ സമ്മേളനത്തിലാണ് പ്രഖ്യാപനമുണ്ടാവുക. കേരളത്തിനു പുറമേ അസം, പുതുച്ചേരി, തമിഴ് നാട്, വെസ്റ്റ് ബംഗാള്‍ സംസ്ഥാനങ്ങളുടെ തിരഞ്ഞെടുപ്പ് തിയ്യതിയും പ്രഖ്യാപിക്കും.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഇന്നാണ് ബംഗാള്‍ എസ്ഐആറില്‍ അപ്പീല്‍ സമര്‍പ്പിക്കാനുള്ള അവസാന സമയം. ഇതിന് പിന്നാലെ തീയതി പ്രഖ്യാപിക്കാനാണ് തെരഞ്ഞെടുപ്പ് കമ്മീഷന്റെ തീരുമാനം.

വിഷു, വേനല്‍ എന്നിവ പരിഗണിച്ച് കേരളത്തില്‍ ഏപ്രില്‍ 15നും 30നും ഇടയില്‍ വോട്ടെടുപ്പ് നടന്നേക്കും. കഴിഞ്ഞതവണ എട്ട് ഘട്ടങ്ങളിലായി വോട്ടെടുപ്പ് നടന്ന ബംഗാളില്‍ ഇത്തവണ അഞ്ച് ഘട്ടങ്ങളിലായിരിക്കും വോട്ടെടുപ്പ്. അസമില്‍ മൂന്ന് ഘട്ടമായി തെരഞ്ഞെടുപ്പ് നടത്താനാണ് ആലോചന.