മലബാറിലെ യാത്രക്കാര്‍ക്ക് ആശ്വാസം; ബംഗളൂരു- കണ്ണൂര്‍ എക്‌സ്പ്രസ് കോഴിക്കോട് വരെ നീട്ടി

മലബാറിലെ യാത്രക്കാര്‍ക്ക് ആശ്വാസം; ബംഗളൂരു- കണ്ണൂര്‍ എക്‌സ്പ്രസ് കോഴിക്കോട് വരെ നീട്ടി

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കോഴിക്കോട്: മലബാറിലെ യാത്രക്കാര്‍ക്ക് ആശ്വാസമായി ബംഗളൂരു – കണ്ണൂര്‍ എക്‌സ്പ്രസ് കോഴിക്കോട്ടേക്ക് നീട്ടി. രാത്രി 9.35 ന് ബംഗളൂരുവില്‍നിന്ന് പുറപ്പെട്ട് പിറ്റേന്ന് ഉച്ചതിരിഞ്ഞ് 12.40ന് കോഴിക്കോട് എത്തുന്ന വിധത്തിലാണ് ഷെഡ്യൂള്‍. കോഴിക്കോട്ടെ എം.പി എം.കെ രാഘവന്‍ ആണ് ഇക്കാര്യം അറിയിച്ചത്. ബെംഗളൂരുവിലെ യാത്രക്കാര്‍ അനുഭവിക്കുന്ന വലിയ പ്രയാസം പരിഗണിച്ചാണു നടപടി.

10.55നാണ് ട്രെയിന്‍ കണ്ണൂരില്‍ എത്തുന്നത്. കോഴിക്കോട്ട് നിന്ന് ഉച്ചതിരിഞ്ഞ് 3.30ന് ആരംഭിച്ച് രാവിലെ 6.35ന് ബംഗളൂരുവില്‍ എത്തും.
രണ്ടു വര്‍ഷം മുമ്പ് ഹുബ്ലിയില്‍ പോയി സൗത്ത് വെസ്റ്റ് ജനറല്‍ മാനേജരെ കണ്ടിരുന്നു. അവരുടെ ആവശ്യം പരിഗണിച്ച് ചെന്നൈയിലെ ജനറല്‍ മാനേജരുമായി ചര്‍ച്ച നടത്തി. സതേണ്‍ റെയില്‍വേയും പിന്തുണ നല്‍കി.

മംഗലാപുരം ഗോവ വന്ദേഭാരത് ട്രെയില്‍ കോഴിക്കോട്ടേക്കു നീട്ടുന്നതിനും ശ്രമം ആരംഭിച്ചു. കൂടുതല്‍ മെമു സര്‍വീസ് കോഴിക്കോട്ടേക്കു കൊണ്ടുവരാന്‍ ശ്രമിക്കുകയാണ്. 12 മെമു സര്‍വീസ് അനുവദിച്ചതില്‍ പതിനൊന്നും തിരുവനന്തപുരം ഡിവിഷനിലേയ്ക്കാണ് പോയത്. ഒരെണ്ണമാണ് കോഴിക്കോടിനു ലഭിച്ചത്.