യുവതിക്ക് നേരെ ലൈംഗികാതിക്രമം നടത്തിയ കാലിക്കറ്റ് സർവകലാശാല ജീവനക്കാരൻ അറസ്റ്റിൽ

കുറ്റിപ്പുറം: കെഎസ്ആർടിസി ബസ്സിൽ യുവതിക്ക് നേരെ ലൈംഗികാതിക്രമം നടത്തിയതിന് കാലിക്കറ്റ് സർവകലാശാല ജീവനക്കാരൻ അറസ്റ്റിൽ. സെക്ഷൻ ഓഫിസർ അങ്കമാലി വേങ്ങൂർ സ്വദേശി റെജി(51) ആണ് അറസ്റ്റിലായത്. കുറ്റിപ്പുറം പൊലീസാണ് ഇയാളെ അറസ്റ്റ് ചെയ്തത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

തൃശൂർ-കോഴിക്കോട് കെഎസ്ആർടിസി ബസിൽ തിങ്കൾ രാവിലെ 11ഓടെയാണ് സംഭവം. യാത്രക്കാരിയായ 28 കാരിക്കു നേരെയായിരുന്നു ഇയാളുടെ ലൈം​ഗികാതിക്രമം. ഇയാൾ പലതലവണ സ്പർശിക്കാൻ ശ്രമിച്ചതോടെ യുവതി ബസ് ജീവനക്കാരെ വിവരം അറിയിക്കുകയായിരുന്നു. പിന്നാലെ ജീവനക്കാർ കുറ്റിപ്പുറം പൊലീസിൽ വിവരമറിയിച്ചു. ബസ് കുറ്റിപ്പുറം എത്തിയപ്പോൾ പൊലീസ് പ്രതിയെ അറസ്റ്റ് ചെയ്യുകയായിരുന്നു.