08
Aug 2023
Mon
വ്യക്തമായ ചിത്രങ്ങളുമായി ചന്ദ്രയാന് 3, ലക്ഷ്യത്തോട് കൂടുതല് അടുത്തു; മറ്റന്നാള് ഇറങ്ങും
 |
|
ന്യൂഡല്ഹി: ചന്ദ്രോപരിതലത്തിലെ കൂടുതല് വ്യക്തതയുള്ള ചിത്രങ്ങള് പുറത്തു വിട്ട് ഐഎസ്ആര്ഒ. ചന്ദ്രയാന് മൂന്നിലെ ലാന്ഡറിലെ ഹസാര്ഡ് ഡിറ്റെക്ഷന് ആന്ഡ് അവോയ്ഡന്സ് കാമറ പകര്ത്തിയ ചിത്രങ്ങളാണ് പുറത്തുവിട്ടിരിക്കുന്നത്. ചന്ദ്രന്റെ ഭൂമിയില് നിന്നും കാണാന് സാധിക്കാത്ത ഭാഗങ്ങളിലെ ചിത്രങ്ങളാണ് കാമറ പകര്ത്തിയത്. വലിയ ഗര്ത്തങ്ങള് അടക്കം ചിത്രങ്ങളില് വ്യക്തമാണ്. നിലവില് 25 കിലോമീറ്റര് മുതല് 134 കിലോമീറ്റര് വരെ ഉയരമുള്ള ഭ്രമണപഥത്തിലാണ് ലാന്ഡര് മൊഡ്യൂള്.
മറ്റന്നാളാണ് ചന്ദ്രയാന്- 3 ചന്ദ്രോപരിതലത്തില് ഇറങ്ങുക. അതിനുള്ള പ്രവര്ത്തനങ്ങള് പുരോഗമിക്കുകയാണ്. വന് ഗര്ത്തങ്ങളും പാറക്കഷ്ണങ്ങളും ഇല്ലാത്ത ഭാഗം കണ്ടെത്തി സുരക്ഷിതമായി ഇറങ്ങാന് പറ്റിയ പ്രദേശം കണ്ടെത്താനാണ് കാമറ സഹായിക്കുന്നത്. പേടകം ഇറങ്ങാന് പോകുന്ന ചന്ദ്രോപരിതലത്തിന്റെതാണ് ചിത്രങ്ങള്. പാറക്കല്ലുകളോ ആഴത്തിലുള്ള കിടങ്ങുകളോ ഇല്ലാതെ സുരക്ഷിതമായ ലാന്ഡിംഗ് ഏരിയ കണ്ടെത്താന് സഹായിക്കുന്ന ലാന്ഡര് ഹസാര്ഡ് ഡിറ്റക്ഷന് ആന്ഡ് അവോയിഡന്സ് ക്യാമറ(LHDAC) പകര്ത്തിയ ചിത്രങ്ങളാണ് പുറത്തുവിട്ടിരിക്കുന്നത്.
അഹമ്മദാബാദിലെ സ്പെയ്സ് ആപ്ലിക്കേഷന് സെന്ററിലാണ് കാമറ വികസിപ്പിച്ചത്. ലാന്ഡറിന്റെ അവസാന ഭ്രമണപഥം താഴ്ത്തല് കഴിഞ്ഞദിവസം വിജയകരമായി നടത്തിയിരുന്നു. ജൂലൈ 14നായിരുന്നു ചന്ദ്രയാന് 3ന്റെ വിക്ഷേപണം. ആഗസ്ത് ഒന്നിനാണ് ഭൂമിയുടെ ഭ്രമണപഥം വിട്ട് പേടകം ചന്ദ്രന്റെ ഏറ്റവും പുറത്തുള്ള ട്രാന്സ് ലൂണാര് പഥത്തിലേക്ക് പ്രവേശിച്ചത്.
Chandrayaan-3 Mission:
Here are the images of
Lunar far side area
captured by the
Lander Hazard Detection and Avoidance Camera (LHDAC).This camera that assists in locating a safe landing area — without boulders or deep trenches — during the descent is developed by ISRO… pic.twitter.com/rwWhrNFhHB
— ISRO (@isro) August 21, 2023
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026