കോഴിക്കോട്ടെ യാത്രക്കാര്‍ക്ക് സന്തോഷ വാര്‍ത്ത; സര്‍വീസുകള്‍ വര്‍ധിപ്പിച്ച് എയര്‍ ഇന്ത്യ

മസ്‌കറ്റ്: എയര്‍ ഇന്ത്യ എക്‌സ്പ്രസ് ഒമാനിലേക്കുള്ള സര്‍വിസുകള്‍ വര്‍ധിപ്പിച്ചു. (Good news for Air India passengers in Kozhikode; Air India increases services) സലാല-കോഴിക്കോട് റൂട്ടിലാണ് കൂടുതല്‍ സര്‍വീസുകള്‍ ഏര്‍പ്പെടുത്തിയത്. ആഴ്ചയില്‍ ഇനി രണ്ട് ദിവസം എയര്‍ ഇന്ത്യ ഈ റൂട്ടില്‍ സര്‍വീസ് നടത്തും.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഞായര്‍, വ്യാഴം ദിവസങ്ങളിലാണ് സര്‍വീസ് നടത്തുന്നത്. ഇതിനായുള്ള ടിക്കറ്റ് ബുക്കിങ് ആരംഭിച്ചു. എയര്‍ ഇന്ത്യ എക്‌സ്പ്രസിന്റെ വെബ്‌സൈറ്റ് വഴിയും ട്രാവല്‍ ഏജന്‍സികള്‍ വഴിയും ടിക്കറ്റ് ബുക്ക് ചെയ്യാം.

സലാലയില്‍ നിന്ന് രാവിലെ 10.55ന് പുറപ്പെടുന്ന വിമാനം വൈകുന്നേരം 4.15ന് കോഴിക്കോടെത്തും. തിരികെ ഇവിടെ നിന്നും പ്രാദേശിക സമയം രാവിലെ 7.25ന് പുറപ്പെടുന്ന വിമാനം പത്ത് മണിയോടെ സലാലയിലെത്തും.

നിലവില്‍ 44 റിയാല്‍ മുതലാണ് ടിക്കറ്റ് നിരക്ക്. ദോഫാര്‍, അല്‍ വുസ്ത മേഖലകളില്‍ നിന്നുള്ള പ്രവാസികള്‍ക്ക് വലിയ ആശ്വാസമാണ് ഈ സര്‍വീസുകള്‍.

Good news for Air India passengers in Kozhikode; Air India increases services

News Tag Live യുട്യൂബ് ചാനല്‍ Subscribe ചെയ്യുക