കനത്ത മഴ; കോഴിക്കോട് മെഡിക്കല്‍ കോളജ് ആശുപത്രിയിലെ താഴത്തെ നില മുങ്ങി

കോഴിക്കോട്: നഗരത്തില്‍ ബുധനാഴ്ച വൈകീട്ടുപെയ്ത കനത്തമഴയില്‍ കോഴിക്കോട് മെഡിക്കല്‍ കോളേജ് ആശുപത്രിയില്‍ വെള്ളംകയറി. മാതൃ-ശിശു സംരക്ഷണകേന്ദ്രമാണ്(ഐ.എം.സി.എച്ച്.) ദുരിതത്തിലായത്. (heavy rain; The ground floor of the Kozhikode Medical College Hospital was submerged )ഇതാദ്യമായാണ് കെട്ടിടത്തിനകത്തേക്ക് ഈ രീതിയില്‍ വെള്ളം കയറുന്നതെന്ന് ജീവനക്കാര്‍ പറഞ്ഞു. താഴത്തെനില പൂര്‍ണമായും വെള്ളത്തില്‍ മുങ്ങി. ചില വാര്‍ഡുകളിലുണ്ടായിരുന്ന കുട്ടികളെ മറ്റിടങ്ങളിലേക്ക് മാറ്റി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഗൈനക്കോളജി, പീഡിയാട്രിക് അത്യാഹിത വിഭാഗങ്ങള്‍, വാര്‍ഡുകള്‍, സ്ത്രീകളുടെ ഐ.സി.യു., അടിയന്തര ശസ്ത്രക്രിയാമുറി, ലിഫ്റ്റുകള്‍, നിരീക്ഷണമുറി, ഒ.പി. വിഭാഗം എന്നിവിടങ്ങളിലെല്ലാം വെള്ളംകയറിയിട്ടുണ്ട്.

മൂന്ന് മോട്ടോര്‍സെറ്റുകള്‍ എത്തിച്ചാണ് വെള്ളം പമ്പുചെയ്ത് കളഞ്ഞത്. ആശുപത്രിയിലെ ശുചീകരണത്തൊഴിലാളികളും മറ്റുജീവനക്കാരുംചേര്‍ന്ന് കേന്ദ്രം പൂര്‍ണമായും ശുചീകരിക്കാനുള്ള പ്രവൃത്തി രാത്രിവൈകിയും തുടര്‍ന്നു.